U rasijskaj Sarataŭskaj vobłaści padčas darožnaha zdareńnia trahična zahinuŭ palaŭničy, jaki vypadkova zastreliŭ sam siabie, paviedamlaje telehram-kanał 112.

Fota ilustracyjnaje
Incydent adbyŭsia nočču, kali dvoje mužčyn — Stanisłaŭ I. i Siarhiej T. — nakiravalisia na palavańnie ŭ lesapałasu.
Jany jechali na śniehachodzie: kiravaŭ im Siarhiej, a Stanisłaŭ siadzieŭ zzadu, trymajučy strelbu na plačy. U niejki momant kiroŭca nie spraviŭsia z kiravańniem, śniehachod zaniesła i jon pierakuliŭsia.
Padčas avaryi adbyŭsia vypadkovy streł — Stanisłaŭ śmiarotna paraniŭ siabie ŭ hałavu i zahinuŭ na miescy.
Pa fakcie hetaha zdareńnia raspačali kryminalnuju spravu, śledstva praciahvajecca.
Kamientary