A na Viciebščynie zarehistravali novy nasieleny punkt.
Štohod u krainie publikujecca biuleteń «Źmianieńni nazvaŭ hieahrafičnych abjektaŭ Respubliki Biełaruś». Adzin z raździełaŭ pryśviečany abjektam, jakija spynili svajo isnavańnie, piša Myfin.
Zhodna z danymi, apublikavanymi na sajcie pradpryjemstva «Biełhieadezija», u Biełarusi ŭ minułym hodzie byli pryniaty rašeńni ab skasavańni:
-
u Homielskaj vobłaści: u Čačerskim rajonie — pasiołkaŭ Alaksiejeŭka, Biazbožnik, Zarečča i Kalinina; u Buda-Kašaloŭskim rajonie — pasiołka Mihaj;
-
u Viciebskaj vobłaści: u Vierchniadźvinskim rajonie — viosak Važany, Davydava, Załomy;
-
u Minskaj vobłaści: va Uździenskim rajonie — vioski Małaja Dzieščanka.
Pa šerahu abjektaŭ rašeńni prymalisia ŭ kancy 2025 hoda, a ŭstupili ŭ siłu ŭžo ŭ pačatku 2026 hoda.
Akramia taho, byli skasavanyja niekatoryja sielsaviety. Naprykład, źnik Varnoŭski sielsaviet (Karmianski rajon) — nasielenyja punkty pieradadzieny ŭ Karoćkaŭski sielsaviet. Nasielenyja punkty Arechaŭskaha sielsavieta (Małarycki rajon) pieradadzieny ŭ Ałtušski sielsaviet.
Taksama spyniŭ isnavańnie čyhunačny prypynačny punkt Razłohi (Pastaŭski rajon).
Pry hetym u 2025 hodzie ŭ Biełarusi byŭ aficyjna zarehistravany novy nasieleny punkt — chutar Izumrudny ŭ Hłybockim rajonie Viciebskaj vobłaści.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie44
Kamientary
Niama žycharoŭ ,niamia spravy .