Jak janotu, jaki prypłyŭ da nas z ZŠA, udałosia miesiac vyžyć u mašynie bieź ježy?
Pra los janota, jakoha achryścili Sieniem, raskazali na vietstancyi.
Janot ciapier žyvie ŭ vivaryi ašmianskaj rajvietstancyi. Pakul na karancinie. Na vulicu nie vychodzić, baicca marozu. Mlavy, napałochany, šmat śpić i nie lubić šumu, raskazali na ANT.
Trojčy na dzień supracoŭnica vietstancyi Ludmiła Hołub prychodzić praviedać Sieniu (tak nazvali janota). Na videa bačna, jak toj spałochana ŭciskajecca ŭ ścienku. Ale, adznačajuć na vietstancyi, jaho stan užo značna lepšy, čym byŭ.
Janot lubić kurycu, vinahrad, areški, jabłyki. Lubimaja ježa — syryja jajki. Prysmaki jamu pieradajuć i hrodzienskija mytniki.
Pakul za žyviołaj prosta nazirajuć. Jamu treba budzie zrabić pryščepki i vyśvietlić, kolki jamu hadoŭ i chto heta — chłopčyk ci dziaŭčynka.
Janot prypłyŭ u Biełaruś z ZŠA ŭ marskim kantejniery ź lehkavymi mašynami. Kali jaho zaŭvažyli, to spačatku pryniali za cacku. U darozie janot pravioŭ nie mienš za miesiac. Z hoładu navat pahryz sałon mašyny.
Jak janot zmoh tak doŭha być bieź ježy? Janoty padobnyja da miadźviedziaŭ — uvosień nahulvajuć tłušč, a zimoj lubiać paspać. Hetyja zvyčki i vyratavali ad śmierci. Padčas takoha stanu aniamieńnia ŭ janotaŭ zamarudžvajucca žyćciovyja pracesy, krychu źnižajecca tempieratura cieła.
«Son u pryrodzie ŭ ich niehłyboki, pieraryvisty. Kali dzieści nadychodzić adliha, janot moža pračnucca, vyjści sa svajho schovišča, niedzie znajści štości jadomaje, prosta raźmiacca. I potym znoŭ jon zabirajecca da siabie ŭ schovišča i śpić da nastupnaj adlihi», — raskazvaje Taćciana Saŭčuk, lektarka Hrodzienskaha zaaparka.
U mašynie, jakuju pieravozili z ZŠA, niama bakavoha škła. Tak janot i prabraŭsia ŭnutr.
Na karancinie na vieterynarnaj stancyi ŭ Ašmianach janot prabudzie da siaredziny lutaha. Za hety čas jamu padbiaruć novaje žyllo — heta moža być, naprykład, i Nalibockaja pušča, i hrodzienski zaapark.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary
A čamu b jaho nie adpravic nazad, u ZŠA ? Niaūžo heta duža skladana ?
Moža jaho tam kachanaja čakaje ?
Janoty ličać čałavieka škodnaj žyviolinaj, usio va ŭred robić, žyćcia ad jaho niama...