Raźvivajecca i abrastaje novymi fihurantami kryminalnaja «sprava Softkłuba», centralnaja fihura jakoj — patryjarch biełaruskaha IT Uładzimir Sirotka. Orhany pačali rejdy pa bankach u pošuku jaho padzielnikaŭ i ŭžo aryštavali kiraŭnikoŭ prynamsi adnaho pryvatnaha banka.
Jak stała viadoma «Našaj Nivie», u ramkach rasśledavańnia kryminalnych spravaŭ suprać Uładzimira Sirotki i inšych mieniedžaraŭ «Softkłuba» (u tym liku syna Sirotki), Departamient finansavych rasśledavańniaŭ pravioŭ vobšuki ŭ kiraŭnikoŭ pryvatnaha Ceptar Banka i aryštavaŭ staršyniu praŭleńnia banka Alaksandra Ihnatava, a taksama adnaho ź jahonych namieśnikaŭ. U čym sens pretenzij da hetych ludziej, pakul nieviadoma.
Aryšty adbylisia ŭ pačatku tydnia. Alaksandr Ihnataŭ apošni raz byŭ u mesendžarach 26 kastryčnika.
Ceptar Bank — heta nievialiki kamiercyjny bank. Jon naležyć šviejcarskamu chołdynhu. Na kaniec vieraśnia 2025‑na na rachunkach Ceptara lažała 103 miljony rubloŭ klijentaŭ, ahułam na bałansie banka — 168 miljonaŭ rubloŭ. Try kvartały hetaha hoda bank skončyŭ z 4 miljonami rubloŭ prybytku.
Alaksandr Ihnataŭ uznačalvaje jaho z 2023 hoda, da taho pracavaŭ u Trastbanku, Fransabanku i Statusbanku, karjeru pačynaŭ u Nacbanku.
Kiraŭnictva «Softkłuba» abvinavačvajuć, jak stała viadoma «Našaj Nivie», va ŭchileńni ad padatkaŭ i dačy chabaru.
Krynicy «Našaj Nivy» kažuć pra «ciažkija nastroi» ŭ inšych kamiercyjnych i dziaržaŭnych bankach, jakija byli klijentami «Softkłuba» — viadučaha pastaŭščyka rašeńniaŭ dla bankaŭ na ŭnutranym rynku. Cyrkulujuć čutki pra zatrymańnie i inšych bankiraŭ, ale nam pakul nie ŭdałosia paćvierdzić ich ź inšych krynic.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary