Na tarhi vystavili adcisnutuju ŭ zasnavalnika «Bajpoła» kvateru. Pakupniki zładzili za jaje sapraŭdnuju bojku
U Minsku na tarhach pradadzienaja adnapakajovaja kvatera, uładalnikam jakoj značycca poŭny ciozka Aleha Talerčyka — byłoha supracoŭnika Hienprakuratury, jaki raniej byŭ členam inicyjatyvy «Bajpoł».
Znajšłosia siem achvotnych nabyć nieruchomaść, jany zładzili sapraŭdnuju baraćbu, zaŭvažyła «Lusterka».
Udzielniki pierabivali staŭki adzin adnaho, tamu aŭkcyjon, jaki pačaŭsia ŭ 09.00 30 kastryčnika, skončyŭsia tolki nočču 31-ha. Abjava pra prodaž nieruchomaści źjaviłasia na anłajn-placoŭcy «BiełJurZabieśpiačeńnie». U abjavie było ŭkazana, što pradajecca adnapakajovaja kvatera ahulnaj płoščaj 47,1 kvadratnaha mietra. Abciažarvańnie — aryšt śledčych orhanaŭ, zabarona ździajśnieńnia rehistracyjnych dziejańniaŭ.
Pačatkovy košt nieruchomaści — 174 tysiačy rubloŭ. U vyniku jaje pradali za 229 680 rubloŭ. Pryčym tarhi pačalisia ŭ 09.00 30 kastryčnika, a skončylisia ŭžo nočču 31-ha. Udzielniki aŭkcyjonu pastajanna pierabivali staŭki adzin adnaho.
Daŭžnikom byŭ paznačany Talerčyk Aleh Mikałajevič. Heta poŭny ciozka byłoha supracoŭnika Hienprakuratury i byłoha člena inicyjatyvy «Bajpoł» Aleha Talerčyka.
U lutym 2024 hoda jamu pa spravie «Bajpoła» prysudzili 12 hadoŭ pazbaŭleńnia voli sa štrafam u 40 tysiač rubloŭ. Majomaść Talerčyka — izalavanaje pamiaškańnie ŭ Minsku i aŭtamabil — tady pakinuli pad aryštam. Byłoha siłavika abvinavacili, u tym liku ŭ tym, što jon «ździejśniŭ dziejańni dla zachopu dziaržaŭnaj ułady niekanstytucyjnym šlacham».
Kamientary
I jak atrymlivajecca pradavać, kali farmalna nielha pradać z prapisanymi ludźmi?
Chto viedaje? (Tolki biez ahulnych słoŭ pra "časamniedazakonaŭ" i t.p.)