Premjer Litvy pra kantrabandnyja pavietranyja šary: Pieramoŭ ź Biełaruśsiu nie budzie
Premjer-ministr Inha Ruhinienie zajaviła, što Litva budzie žorstka reahavać na paŭtornyja parušeńni pavietranaj prastory kantrabandnymi šarami, jakija zapuskajucca z terytoryi Biełarusi, i vieści pieramovy ź Minskam nie maje namieru, paviedamlaje LRT.
«My razumiejem, što značnuju častku hetych šaroŭ možna było b spynić jašče na terytoryi samoj Biełarusi. Kali naša susiedniaja dziaržava hetaha nie robić, to i z našaha boku pavinna być adpaviednaja reakcyja», — skazała kiraŭnica ŭrada ŭ intervju radyjostancyi «Žinių radijas» u čaćvier.
Jak učora pisałasia, u noč na sieradu ŭ Litvu ŭlacieli niekalki dziasiatkaŭ kantrabandnych pavietranych šaroŭ. Z-za hetaha byŭ parušany režym pracy Vilenskaha aeraporta — paciarpieli kala 30 rejsaŭ i bolš za 4 tysiačy pasažyraŭ, časova byli zakryty kantrolna-prapusknyja punkty ŭ Miednikach i Salečnikach.
«Ja znachodžusia ŭ takoj pazicyi, što, chočaš nie chočaš, — jak by ja ni vykazałasia, — peŭnych reakcyj nie paźbiehnuć. Ale maje rašeńni i dziejańni jasna pakazvajuć maju pazicyju. Pieramoŭ ź Biełaruśsiu nie budzie, i kali my bačym varožyja dziejańni, kali bačym, što kantrabanda pa-raniejšamu svabodna prachodzić praź miažu, našy słužby buduć reahavać žorstka i nieadkładna», — padkreśliła premjer-ministr.
«Hetuju pazicyju ja jasna abaznačyła ŭčora i paŭtaraju siońnia», — dadała jana.
Premjer Litvy: Kali vypadki z šarami paŭtoracca — my zakryjem pamiežnyja punkty ź Biełaruśsiu
Unačy była paralizavana praca aeraporta Vilni
Z-za rekordnaj kolkaści zapuščanych ź Biełarusi mieteazondaŭ Litva časova spyniała pracu pierachodaŭ na miažy
U Litvie dapuskajuć mahčymaść zakryć miažu ź Biełaruśsiu na bolš praciahły termin
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny13
Kamientary
To jesť Litva tožie dołžna zabiť na pieriechvat šarov?