Прэм’ер Літвы пра кантрабандныя паветраныя шары: Перамоў з Беларуссю не будзе
Прэм’ер-міністр Інга Ругінене заявіла, што Літва будзе жорстка рэагаваць на паўторныя парушэнні паветранай прасторы кантрабанднымі шарамі, якія запускаюцца з тэрыторыі Беларусі, і весці перамовы з Мінскам не мае намеру, паведамляе LRT.
«Мы разумеем, што значную частку гэтых шароў можна было б спыніць яшчэ на тэрыторыі самой Беларусі. Калі наша суседняя дзяржава гэтага не робіць, то і з нашага боку павінна быць адпаведная рэакцыя», — сказала кіраўніца ўрада ў інтэрв’ю радыёстанцыі «Žinių radijas» у чацвер.
Як учора пісалася, у ноч на сераду ў Літву ўляцелі некалькі дзясяткаў кантрабандных паветраных шароў. З-за гэтага быў парушаны рэжым працы Віленскага аэрапорта — пацярпелі каля 30 рэйсаў і больш за 4 тысячы пасажыраў, часова былі закрыты кантрольна-прапускныя пункты ў Медніках і Салечніках.
«Я знаходжуся ў такой пазіцыі, што, хочаш не хочаш, — як бы я ні выказалася, — пэўных рэакцый не пазбегнуць. Але мае рашэнні і дзеянні ясна паказваюць маю пазіцыю. Перамоў з Беларуссю не будзе, і калі мы бачым варожыя дзеянні, калі бачым, што кантрабанда па-ранейшаму свабодна праходзіць праз мяжу, нашы службы будуць рэагаваць жорстка і неадкладна», — падкрэсліла прэм’ер-міністр.
«Гэтую пазіцыю я ясна абазначыла ўчора і паўтараю сёння», — дадала яна.
Прэм'ер Літвы: Калі выпадкі з шарамі паўторацца — мы закрыем памежныя пункты з Беларуссю
Уначы была паралізавана праца аэрапорта Вільні
З-за рэкорднай колькасці запушчаных з Беларусі метэазондаў Літва часова спыняла працу пераходаў на мяжы
У Літве дапускаюць магчымасць закрыць мяжу з Беларуссю на больш працяглы тэрмін
Каментары
То есть Литва тоже должна забить на перехват шаров?