Niadaŭna na terytoryi doma Śviatoha Pierehryna ŭ vioscy Hałynka (heta 26 km ad Hrodna) ustanavili biełuju šklanuju telefonnuju budku. Heta telefon vietru — adziny ŭ krainie abjekt, piša «Viačerni Hrodna».
Jaho pastavili siłami supracoŭnikaŭ sacyjalna-dabračynnaj ustanovy «Centr dapamohi žyćcia». Jak źjaviłasia ideja telefonnaj budki i dla čaho jana patrebna ludziam, raskazaŭ dyrektar centra Aleh Harbačoŭ.
— Niadaŭna takaja budka źjaviłasia ŭ Japonii. Jaje ŭstalavaŭ mužčyna, jaki ŭ vyniku ziemlatrusu i cunami straciŭ svajho brata, — raskazvaje Aleh. — Ale jon nie paśpieŭ skazać važnych słoŭ svajmu zahinułamu bratu i padumaŭ, što moža zrabić heta z dapamohaj vietru. Viecier daniasie jaho dumki i pieražyvańni čałavieku, jaki pajšoŭ z žyćcia
U telefonnuju budku mohuć pryjazdžać ludzi, jakija stracili blizkaha čałavieka:
— Za pieršyja dni pracy «telefona vietru» jaje naviedali kala dziesiaci čałaviek. Heta važnaja psichałahičnaja dapamoha. U pieryjad smutku važna dapamahčy samomu sabie. Padčas razmovy čałaviek moža niešta dakazać, što nie paśpieŭ skazać, dalubić, kali nie dalubiŭ, i paprasić prabačeńnia.
Unutry budki — kresła, raśpiaćcie, błaknot dla pamiatnych pasłańniaŭ i survetki. Dach upryhožvaje špil. Pobač ustalavany stend ź infarmacyjaj, dzie padrabiazna raśpisana pryznačeńnie «telefona vietru».
Dla «Centra dapamohi žyćcia» heta aktualnaja tema, bo jany štodzień sutykajucca z adychodam z žyćcia svaich padapiečnych z-za nievylečnaj ankałahičnaj chvaroby.
Pryjechać mohuć usie žadajučyja. Ale terytoryja adkryta nie zaŭsiody. Lepš napisać supracoŭnikam u «dyrekt» instahrama, kab udakładnić čas pracy. Važna pamiatać, što Hałynka znachodzicca ŭ pamiežnaj zonie — abaviazkova biarycie z saboj pašpart! Pry ŭjeździe ŭ viosku vy ŭbačycie ŭkazalnik — dom Śviatoha Pierehryna, jon znachodzicca adrazu na ŭskrajku, źleva ad darohi. Numar doma — 53.
Dom Śviatoha Pierehryna — heta Dom dla akazańnia sacyjalnych pasłuh z zabieśpiačeńniem časovaha karotkaterminovaha znachodžańnia (dzionnaha) u formie paŭstacyjanarnaha sacyjalnaha absłuhoŭvańnia padapiečnym Sacyjalna-dabračynnaj ustanovy «Centr dapamohi žyćcia».
Ciapier čytajuć
Łukašenka zahadaŭ pryščaplać nieluboŭ da Polščy pačynajučy sa škoły74
Łukašenka zahadaŭ pryščaplać nieluboŭ da Polščy pačynajučy sa škoły
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary