Marharyta Simańjan raskazała, što joj dyjahnastavali «strašnuju ciažkuju chvarobu»
«U mianie zaŭtra apieracyja — jakraz pad hetym ordenam».
Hałoŭred prapahandysckaha telekanała Russia Today Marharyta Simańjan raskazała ŭ efiry Uładzimira Sałaŭjova, što joj dyjahnastavali «strašnuju ciažkuju chvarobu».
«U mianie zaŭtra apieracyja — jakraz pad hetym ordenam», — na hrudziach Simańjan ź levaha boku visieŭ orden roŭnaapostalnaj kniahini Volhi III stupieni za «Zachavańnie tradycyjnych kaštoŭnaściaŭ», jaki napiaredadni joj uručyŭ patryjarch Kirył.
Muž Simańjan, prapahandyst Tyhran Kieasajan, vosiem miesiacaŭ tamu pieražyŭ kliničnuju śmierć i znachodzicca ŭ komie.
Simańjan kazała, što nibyta paśla hetaha chacieła jechać vajavać va Ukrainu.
«Ja vyrašyła, što kali hetaja koma i takaja ciažkaja situacyja… ja pajedu na SVA (śpiecyjalnaj vajennaj apieracyjaj (SVA) rasijskija ŭłady i prapahandysty nazyvajuć raźviazanuju Kramlom vajnu va Ukrainie. — NN), tamu što ja nie mahu bolš žyć. […] Mnie to budzie lahčej, mianie hrochnuć na druhi dzień», — zajaviła jana.
Praŭda, paźniej Simańjan nibyta stała dumać pra dziaciej i admoviłasia ad hetaj idei.
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona9
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary