Dana Holdings paźbiehła sankcyj ES: kampaniju padmianili na firmu-pustyšku

Struktura, jakaja vałodała budaŭničaj biźnies-impieryjaj siamji Karyčaŭ, viadomych maštabnymi budoŭlami ŭ Minsku i suviaziami ź siamjoj Alaksandra Łukašenki, paźbiehła sankcyj Jeŭrapiejskaha Sajuza. Zamiest kiprskaj kampanii Dana Holdings pad abmiežavańni trapiła firma-kłon z rehistracyjaj u Minsku. Kiprski suŭładalnik padsankcyjnych biełaruskich kampanij siamji Karyčaŭ praciahvaŭ atrymlivać dyvidendy i paśla ŭviadzieńnia sankcyj.

Naradžeńnie kłona

Upieršyniu Dana Holdings źjaviłasia ŭ sankcyjnym śpisie ES u śniežni 2020 hoda. Ale aformili jaje niezvyčajna — razam ź jašče adnoj kampanijaj.

U tablicy subjektaŭ, jakija trapili pad sankcyi ES, zapis vyhladaŭ nastupnym čynam: Dana Holdings/Dana Astra. Mahło padacca, što sankcyi ŭviali suprać kiprskaj kampanii Dana Holdings, jakaja praź inšyja kiprskija firmy-prakładki vałodała ŭsimi asnoŭnymi aktyvami siamji Karyčaŭ u Biełarusi, a taksama suprać ZTAA «Dana Astra» — najbujniejšaj ź biełaruskich firmaŭ, jakija naležać hetamu chołdynhu (pa pamiery aktyvaŭ na 2020 hod). Ale akazałasia inakš.

Pra Karyčaŭ i Dana Holdings

U hrafie «identyfikujučaja infarmacyja» dla abiedźviuch firmaŭ u śpisie ES u śniežni 2020 hoda ŭkazali tolki adzin adras i ŭlikovy numar płacielščyka. Jany adnosilisia da biełaruskaha ZTAA «Dana Astra».

Pa Dana Holdings identyfikujučaj infarmacyi nie było. Možna było mierkavać, što Jeŭrapiejskaja słužba źniešnich suviaziaŭ, jakaja rychtuje sankcyjnyja pakiety dla hałasavańnia ŭ Radzie ES, złučyła nazvy hetych dźviuch firmaŭ pa pamyłcy. Bo na ryełtarskich sajtach biełaruskaha zabudoŭščyka mienavita tak časam i padpisvali.

Ale ŭ sakaviku 2021 hoda Jeŭrapiejski Sajuz, zdavałasia b, pamyłku vypraviŭ. Zapis Dana Holdings/Dana Astra u sankcyjnym śpisie padzialili. Abmiežavańni suprać Dana Holdings vynieśli ŭ asobny radok, užo z ułasnym numaram padatkapłacielščyka i adrasam, ale aficyjnaja data ŭviadzieńnia sankcyj zastałasia raniejšaj — 17 śniežnia 2020 hoda.

Nasamreč ža, tudy ŭnieśli danyja inšaj firmy, jakaja nie isnavała na momant pieršapačatkovaha ŭviadzieńnia sankcyj suprać Dana Holdings.

Dakładniej, firma pad takim rehistracyjnym numaram isnavała, ale nazyvałasia jana TAA «Handalhasbud» i zajmałasia handlem budaŭničymi materyjałami ŭ biełaruskim horadzie Bierazino. Jaje ŭładalnik, biełarus Michaił Kazakievič, nie mieŭ vidavočnych suviaziaŭ ź biźniesam Karyčaŭ. Praz paŭtara miesiacy paśla ŭviadzieńnia sankcyj suprać Dana Holdings, 8 lutaha 2021 hoda, biełaruskaja kampanija siamji Karyčaŭ «Dana Astra» stała ŭładalnikam «Handalhasbuda» i pierajmienavała jaho ŭ TAA «Dana Chołdynhz», stvaryŭšy takim čynam kłon-pustyšku svajoj hałaŭnoj kiprskaj kampanii. A 27 sakavika 2021 hoda ES padmianiŭ Dana Holdings, jakuju ŭnios u sankcyjny śpis pieršapačatkova, na hety novastvorany kłon.

Pra toje, što ES pieršapačatkova ŭvodziŭ sankcyi mienavita suprać kiprskaj Dana Holdings, moža śviedčyć rašeńnie suda ŭ Luksiemburhu. U 2024 hodzie jon admoviŭ Bahalubu Karyču ŭ źniaćci jeŭrapiejskich abmiežavańniaŭ na padstavie taho, što sierb «byŭ ciesna źviazany z Dana Holdings i jaje byłoj daččynaj kampanijaj «Dana Astra». Firmaj «Dana Astra» vałodała kiprskaja Dana Holdings (praź inšyja kiprskija prakładki), a nie biełaruskaja TAA «Dana Chołdynhz».

U lutym 2021 hoda, prykładna za miesiac da padmieny Dana Holdings u sankcyjnym śpisie ES, «Dana Astra» pieradała ŭładańnie nad firmaj-kłonam charvatu Dejanu Łabanu. Čałavieka z takim ža imiem žurnalisty znajšli na fota pobač z Bahalubam Karyčam u dopisie na Facebook ad 5 krasavika 2021 hoda. U im Karyč nazyvaje supracoŭnikaŭ ich kampanii vialikaj mižnarodnaj siamjoj i raskazvaje, što ŭ toj dzień jon naviedaŭ svaich «kumoŭ» u Charvatyi.

Pavialičyć

Takim čynam, na momant pieršaha ŭniasieńnia Dana Holdings u sankcyjny śpis ES, kampanii z takoj nazvaj u Biełarusi nie isnavała. Kiprskaja ž Dana Holdings Limited, jakaja kantralavała ŭsie viadomyja budaŭničyja prajekty siamji Karyčaŭ u Biełarusi, tak i nie trapiła pad jeŭrapiejskija abmiežavańni. Vialikabrytanija taksama ŭniesła ŭ svoj sankcyjny śpis nie kiprskuju Dana Holdings, a jaje biełaruskaha kłona.

Bolš padrabiazna čytajcie tut.

• 0
• 0
• 3
• 1
• 0
• 0
• 3
• 0