Apieratyŭniki na vakzale zatrymali kurjera machlaroŭ: jon sprabavaŭ vyvieźci za miažu 90 000 rubloŭ
63-hadovamu minčuku na chatni telefon patelefanavaŭ nibyta supracoŭnik «Biełtelekama» i pad vyhladam padaŭžeńnia damovy na akazańnie pasłuh atrymaŭ pašpartnyja danyja piensijaniera, paviedamlaje «Milicyja Minska».
Dalej u miesiendžary pastupiŭ zvanok ad nibyta pravaachoŭnika, jaki napałochaŭ mužčynu tym, što ašukancy ad jaho imia ździajśniajuć niezakonnyja finansavyja apieracyi. Kab zachavać źbieražeńni, ich treba zadekłaravać, inakš u kvatery projdzie vobšuk, a najaŭnyja hrošy buduć kanfiskavanyja.
Minčuk pavieryŭ i pieradaŭ kala 90 000 rubloŭ u ekvivalencie kurjeru, što pryjechaŭ.
Syščyki Pieršamajskaha RAUS ustanavili, što hrošy zajaŭnika zabraŭ 37-hadovy žychar stalicy. Fihurant źbiraŭsia advieźci hrošy ŭ susiedniuju dziaržavu, ale byŭ zatrymany na vakzale.
Raniej mužčyna sam staŭ achviaraj machlaroŭ: uziaŭ kredyty ŭ bankach i pieraličyŭ na ŭkazanyja imi rachunki bolš za 50 000 rubloŭ.
Zaviedziena kryminalnaja sprava za machlarstva.
Kamientary