Startap biełarusaŭ, jaki pracuje na Halivud, trapiŭ na ekrany Tajms-skvier
Startap ź biełaruskimi karaniami Filmustage zapuściŭ svoj rolik na Tajms-skvier, zaŭvažyŭ Devby. Tam jon padkreślivaje svaje biełaruskija karani i rolu vychadcaŭ ź Biełarusi ŭ historyi Halivuda.
U paście adznačajecca, što rola Biełarusi ŭ suśvietnym kiniematohrafie niedaaceńvajecca. I havorka nie tolki pra akcioraŭ z «Oskaram» nakštałt Kirka Duhłasa, Charysana Forda, Hvinet Pełtroŭ i Lizy Kudroŭ, čyje prodki rodam z našaj krainy, ale i pra Filmustage, jaki aŭtamatyzuje apracoŭku scenaryjaŭ da filmaŭ dla Halivuda pry dapamozie niejrasietak.
Videa pačynajecca cytataj z «Džona Uika» pra biełaruskaje pachodžańnie piersanaža i zakančvajecca frazaj «Belarus born. Hollywood bound».
U startapie adznačajuć, što dla Filmustage heta nie prosta rekłama, a hučnaja premjera biełaruskich faŭnderaŭ na samaj viadomaj płoščy ŭ śviecie.
«Heta była nie prosta rekłama — heta była hučnaja premjera na samaj bačnaj scenie śvietu. Filmustage, płatforma dapradukcyjnaj padrychtoŭki z ŠI, zasnavanaja biełaruskaj kamandaj, trapiła na Tajms-skvier — nie jak častka filma, a jak śmieły novy hulec u industryi, jakaja jaje vyznačaje», — adznačyli ŭ kampanii.
«Hadami Biełaruś hulała druharadnyja roli ŭ Halivudzie — ciomny akcent, tumannaje miesca na karcie špijonskich tryleraŭ, nazva, jakaja vymaŭlałasia abo raźmiaščałasia niapravilna. Ciapier heta źmianiajecca.
Z vychadam Filmustage na Tajms-skvier novaja historyja vychodzić na scenu — historyja, dzie Biełaruś nie prosta zhadvajecca, ale aktyŭna farmiruje budučyniu kinaindustryi. Nie jak vydumany fon, a jak realny suśvietny inavatar, jaki stvaraje instrumienty, što vykarystoŭvajucca prafiesijanałami pa ŭsim śviecie», — havorać pra siabie ŭ kampanii.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
[Zredahavana]