Biełaruskaja pravasłaŭnaja carkva viarnuła ŭ nazvu «Maskoŭski patryjarchat» paśla zaŭvahi z Maskvy
Sinod RPC publična adčytaŭ kiraŭnictva Biełaruskaj pravasłaŭnaj carkvy. Tam adrazu «vypravilisia».
Biełaruskaja pravasłaŭnaja carkva dadała ŭ svaju nazvu prynaležnaść da Maskoŭskaha patryjarchatu.
Na aficyjnym sajcie BPC źmianili łahatyp. Kali raniej tam było napisana «Biełaruskaja pravasłaŭnaja carkva», to ciapier nazva stała daŭžejšaj — «Biełaruski ekzarchat Maskoŭskaha patryjarchatu», zaŭvažyła «Chryścijanskaja vizija».
Pry hetym «Biełaruskaja pravasłaŭnaja carkva» ciapier napisana ŭ dužkach, jak dadatak.
BPC źmianiła łahatyp paśla zaŭvahi z Maskvy. Za apošnija dziesiacihodździ ŭ Biełarusi skłaŭsia kansensus nakont nazvy svajoj carkvy jak «Biełaruskaja pravasłaŭnaja carkva» biez hruvastkaha aznačeńnia «Maskoŭskaha patryjarchatu». Ale Sinod RPC heta razdražniaje.
U adnym ź lipieńskich pastanoŭ Sinod nahadaŭ kiraŭnictvu BPC, što ŭsie nazvy pavinny źmiaščać farmuloŭki «Ruskaj pravasłaŭnaj carkvy» abo «Maskoŭskaha patryjarchatu». U Minsku amal adrazu pasłuchalisia.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary