Biełaruski muzyka ŭziaŭ udzieł u fiestyvali «Taŭryda.Art» u akupavanym Krymie
Fiestyval «Taŭryda.Art» prachodziŭ u horadzie Sudak anieksavanaha Rasijaj ukrainskaha Kryma z 1 pa 3 žniŭnia 2025 hoda. Na im vystupiŭ 29-hadovy Kirył Jermakoŭ, viadomy pad sceničnym imiem LYRIQ, piša «Radyjo Svaboda».
LYRIQ — biełaruski pop-vykanaŭca, jaki raniej byŭ finalistam nacyjanalnaha adboru na «Jeŭrabačańnie-2018» i pracavaŭ z rasijskimi śpievakami. Hetym razam jon śpiavaŭ razam z maskoŭskaj artystkaj DEMIDOVA.
Akramia Kiryła Jermakova, jašče adzin udzielnik ź Biełarusi pryniaŭ udzieł u konkursie štučnaha intelektu «Kulturny kod Rasii». Jahonaje videa, stvoranaje z dapamohaj ŠI, aceńvałasia razam ź inšymi rabotami, ale ni jahonaje imia, ni vynik u publikacyjach nie paznačanyja. Pieramoh u konkursie pradstaŭnik ź Simfieropala.
Sam fiestyval mieŭ vyrazna prapahandyscki charaktar. Na im pravodzilisia mierapryjemstvy, pryśviečanyja Druhoj suśvietnaj vajnie i rasijskaj vajnie va Ukrainie, jakuju ŭ Rasii nazyvajuć «śpiecyjalnaj vajennaj apieracyjaj». U miežach festu prajšła dabračynnaja akcyja «Hitara dla pieramohi» — rasijskija muzyki sabrali 250 hitar dla vajskoŭcaŭ.
Taksama vystupała frantavaja hrupa pavietrana-desantnych vojskaŭ Rasii «Sinieva» i pakazvalisia patryjatyčnyja filmy i vystavy, źviazanyja z vajnoj.
Pavodle arhanizataraŭ, fiestyval naviedali kala 100 tysiač čałaviek z Rasii i 21 inšaj krainy, ale kankretnyja krainy nazvanyja nie byli.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary
Jakaja nazva! Zaraz frantavaja, a paśla budzie tvorčaja, pry vina-harełačnaj kramie bryhada vieteranaŭ PDV "Sinieva".