U pieršaj pałovie červienia stała viadoma, što Nacyjanalny akademičny teatr opiery i baleta Biełarusi płanuje ŭ žniŭni vystupić u akupavanym Krymie. Ciapier vyśvietliłasia, što minski kalektyŭ u Krym usio ž taki nie pajedzie — i, vidać, mienavita abnarodavańnie prablemy pryviało da admieny skandalnych hastrolaŭ, piša «Lusterka».
Hastroli baletnaj trupy teatra byli zapłanavanyja na druhuju dekadu žniŭnia hetaha hoda. Biełarusy pad kiraŭnictvam rasijskaha dyryžora Arcioma Makarava, jaki z 2025 hoda staŭ mastackim kiraŭnikom kalektyvu, płanavali pryvieźci ŭ Sievastopal balet «Žyzel».
Minski teatr sapraŭdy čakali ŭ akupavanym Krymie. Dyrektar dziaržaŭnaha histaryčna-archieałahičnaha muzieja-zapaviednika «Chiersonies Taŭrycki» Alena Marozava paviedamiła, što ŭ Sievastopali na Mižnarodnym fiestyvali opiery i baleta «Chiersonies» u hetym hodzie płanujecca vystupleńnie artystaŭ Teatra opiery i baleta Biełarusi.
Siońnia, 30 lipienia, źjaviłasia prahrama hetaha fiestyvalu, jaki adbudziecca z 5 pa 16 žniŭnia. Zapłanavanyja tancavalnyja kancerty ansambla imia Majsiejeva, a taksama śpiektakli miascovaha Sievastopalskaha teatra opiery i baleta. Biełarusaŭ u afišy niama.
Pa infarmacyi «Lusterka», admova ad pajezdki vyklikana jakraz rezanansam, jaki ŭźnik paśla publikacyi. Tym bolš što kalektyŭ, jak kazaŭ adzin z surazmoŭcaŭ, byŭ «u asnoŭnym suprać» pajezdki ŭ Krym. Niahledziačy na cisk na artystaŭ, u tym liku namioki na prablemy ŭ dalejšaj karjery, niamała ludziej napisała admovu, u pryvatnaści ŭ arkiestry.
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary