Беларускі музыка ўзяў удзел у фестывалі «Таўрыда.Арт» у акупаваным Крыме
Фестываль «Таўрыда.Арт» праходзіў у горадзе Судак анексаванага Расіяй украінскага Крыма з 1 па 3 жніўня 2025 года. На ім выступіў 29-гадовы Кірыл Ермакоў, вядомы пад сцэнічным імем LYRIQ, піша «Радыё Свабода».
LYRIQ — беларускі поп-выканаўца, які раней быў фіналістам нацыянальнага адбору на «Еўрабачанне-2018» і працаваў з расійскімі спевакамі. Гэтым разам ён спяваў разам з маскоўскай артысткай DEMIDOVA.
Акрамя Кірыла Ермакова, яшчэ адзін удзельнік з Беларусі прыняў удзел у конкурсе штучнага інтэлекту «Культурны код Расіі». Ягонае відэа, створанае з дапамогай ШІ, ацэньвалася разам з іншымі работамі, але ні ягонае імя, ні вынік у публікацыях не пазначаныя. Перамог у конкурсе прадстаўнік з Сімферопаля.
Сам фестываль меў выразна прапагандысцкі характар. На ім праводзіліся мерапрыемствы, прысвечаныя Другой сусветнай вайне і расійскай вайне ва Украіне, якую ў Расіі называюць «спецыяльнай ваеннай аперацыяй». У межах фэсту прайшла дабрачынная акцыя «Гітара для перамогі» — расійскія музыкі сабралі 250 гітар для вайскоўцаў.
Таксама выступала франтавая група паветрана-дэсантных войскаў Расіі «Сінева» і паказваліся патрыятычныя фільмы і выставы, звязаныя з вайной.
Паводле арганізатараў, фестываль наведалі каля 100 тысяч чалавек з Расіі і 21 іншай краіны, але канкрэтныя краіны названыя не былі.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Якая назва! Зараз франтавая, а пасля будзе творчая, пры віна-гарэлачнай краме брыгада ветэранаў ПДВ "Сінева".