Minskaje «Dynama» vylecieła z kvalifikacyi Lihi čempijonaŭ u pieršym raŭndzie
Ale praciahnie vystup u kvalifikacyi Lihi kanfierencyj.
Supiernikam «Dynama» ŭ pieršym raŭndzie kvalifikacyi Lihi čempijonaŭ byŭ bałharski «Łudahorac». Tydzień tamu bałhary doma minimalna vyjhrali — 1:0.
Siońnia jany zabili pieršymi ŭ kancy pieršaha tajma, ale ŭ pačatku druhoha tajma «dynamaŭcy» adkazali dvojčy (Mustafa Džymiet i Piedra Ihar) — 2:1.
Matč pierajšoŭ u aviertajm, dzie na 100-j chvilinie forvard «Łudahorca» Eryk Bile lik zraŭniaŭ — 2:2. Pa sumie dvuch matčaŭ u nastupny raŭnd kvalifikacyi Lihi čempijonaŭ idzie «Łudahorac».
«Dynama» praciahnie vystup u druhim raŭndzie kvalifikacyi Lihi kanfierencyj. Supiernikam budzie ałbanskaja «Ehnacija», što ŭ aŭtorak u Isłandyi razhromna prajhrała isłandskamu «Brejdabliku» 0:5.
Pajadynki projduć 24 i 31 lipienia. Hod tamu minskaje «Dynama» dabrałasia da asnoŭnaj stadyi Lihi kanfierencyj.
Siońnia, u čaćvier, adbuducca try matčy ŭ adkaz kvalifikacyi pieršaha raŭndu Lihi kanfierencyj. Tydzień tamu ŭsie try biełaruskija kłuby pieramahli ŭ svaich matčach.
- «Rabotnički» (Paŭnočnaja Makiedonija) — «Tarpieda-BiełAZ» (Žodzina), pieršy matč 3:0 na karyść žodzincaŭ, pačatak a 19-j,
- «Nioman» (Hrodna) — «Urartu» (Armienija), pačatak a 21-j, pieršy matč 2:1,
- «Sućjeska» (Čarnahoryja) — «Dynama» Brest, 21:30, pieršy matč 2:1.
Biełaruskija kłuby chatnija matčy hulajuć u Vienhryi biez hledačoŭ.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary