Мінскае «Дынама» вылецела з кваліфікацыі Лігі чэмпіёнаў у першым раўндзе
Але працягне выступ у кваліфікацыі Лігі канферэнцый.
Супернікам «Дынама» ў першым раўндзе кваліфікацыі Лігі чэмпіёнаў быў балгарскі «Лудагорац». Тыдзень таму балгары дома мінімальна выйгралі — 1:0.
Сёння яны забілі першымі ў канцы першага тайма, але ў пачатку другога тайма «дынамаўцы» адказалі двойчы (Мустафа Джымет і Педра Ігар) — 2:1.
Матч перайшоў у авертайм, дзе на 100-й хвіліне форвард «Лудагорца» Эрык Біле лік зраўняў — 2:2. Па суме двух матчаў у наступны раўнд кваліфікацыі Лігі чэмпіёнаў ідзе «Лудагорац».
«Дынама» працягне выступ у другім раўндзе кваліфікацыі Лігі канферэнцый. Супернікам будзе албанская «Эгнація», што ў аўторак у Ісландыі разгромна прайграла ісландскаму «Брэйдабліку» 0:5.
Паядынкі пройдуць 24 і 31 ліпеня. Год таму мінскае «Дынама» дабралася да асноўнай стадыі Лігі канферэнцый.
Сёння, у чацвер, адбудуцца тры матчы ў адказ кваліфікацыі першага раўнду Лігі канферэнцый. Тыдзень таму ўсе тры беларускія клубы перамаглі ў сваіх матчах.
- «Работнічкі» (Паўночная Македонія) — «Тарпеда-БелАЗ» (Жодзіна), першы матч 3:0 на карысць жодзінцаў, пачатак а 19-й,
- «Нёман» (Гродна) — «Урарту» (Арменія), пачатак а 21-й, першы матч 2:1,
- «Суцьеска» (Чарнагорыя) — «Дынама» Брэст, 21:30, першы матч 2:1.
Беларускія клубы хатнія матчы гуляюць у Венгрыі без гледачоў.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму5
Каментары