Мінчук замест таксі паехаў з гулянкі дахаты на спадарожнай машыне. Гэта абышлося яму больш чым у 400 рублёў
33‑гадовы мужчына звярнуўся ў міліцыю пасля таго, як пабачыў, што ягоны рахунак у інтэрнэт-банкінгу заблакаваны.
Мужчына расказаў, што ноччу вяртаўся дадому з бара на вуліцы Зыбіцкай, але не змог выклікаць таксі. Кіроўцы не маглі вызначыць яго месцазнаходжанне і адмаўляліся ад заказу.
Тады ён убачыў каля дарогі аўтамабіль, які спыніўся, і папрасіў незнаёмага кіроўцу падвезці яго дадому. Мінчук паабяцаў пазней перавесці грошы за паездку па звычайным тарыфе таксі. Кіроўца пагадзіўся.
Калі яны ўжо пад’ехалі да дома, пасажыр зайшоў са свайго тэлефона ў інтэрнэт-банкінг і папрасіў кіроўцу самому ўвесці нумар яго банкаўскай карты і перавесці аплату.
19‑гадовы кіроўца скарыстаўся з сітуацыі і пералічыў сабе больш за 400 рублёў — значна больш, чым яны папярэдне дамовіліся заплаціць за паездку. Пасля гэтага ён вярнуў тэлефон уладальніку і паехаў.
У міліцыі высветлілі асобу маладога чалавека. Цяпер яму давядзецца кампенсаваць нанесеную шкоду. Да таго ж па факце здарэння завялі крымінальную справу.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары