U Rasii aryštavali za karupcyju byłoha namieśnika kiraŭnika Rashvardyi
U Rasii aryštavali eks-namieśnika kiraŭnika Rashvardyi Viktara Stryhunova. Pavodle źviestak telehram-kanała Shot, jon adpraŭleny ŭ SIZA «Lafortava».
Pavodle papiarednich źviestak, kryminalnaja sprava hienierał-pałkoŭnika źviazanaja z kradziažami pry budaŭnictvie vajskovaha palihona pad Novasibirskam. Jaho abvinavačvajuć u chabarnictvie i pieravyšeńni paŭnamoctvaŭ.
Viktar Stryhunoŭ u 2016 hodzie byŭ pryznačany na pasadu kamandujučaha vojskami Sibirskaj akruhi Rashvardyi. U 2021 hodzie jon staŭ pieršym namieśnikam kiraŭnika, u 2023 hodzie byŭ vyzvaleny ad pasady.
U jahonaj kryminalnaj spravie, pa papiaredniaj infarmacyi, fihurujuć kradziažy na niekalki miljardaŭ rubloŭ.
Pry hetym palihon pad Novasibirskam, pavodle danych Shot, byŭ pabudavany z parušeńniami: nad hetym rajonam prachodzić rehularny maršrut pasažyrskich avijapieravozak na Daloki Uschod. Vajskoŭcy vykarystoŭvać abjekt ciapier nie mohuć.
Jak paviedamlaje kanał VČK-OHPU, śledstva śćviardžaje, što ŭ vieraśni 2014 hoda MUS Rasii zaklučyła z kampanijaj «SU Riemstrojtorh» dziaržaŭny kantrakt na niekalki miljonaŭ rubloŭ dla budaŭnictva vučebnaha centra ŭ Kiemieraŭskaj vobłaści. Za kantrol vykanańnia prajekta adkazvaŭ Stryhunoŭ.
Niahledziačy na toje, što jamu było viadoma pra prablemy z učastkam — jahonaja płošča była niedastatkovaj, a raźmiaščeńnie zanadta blizka ad aeraporta, — jon zahadaŭ padnačalenym pačać budaŭnictva. U vyniku kantrakt nie byŭ vykanany, abjekt nie ŭviedzieny ŭ ekspłuatacyju, a dziaržavie byli naniesienyja majomasnyja straty na sumu bolš za 2 miljardy rasijskich rubloŭ (kala 25,5 miljona dalaraŭ).
Akramia taho, u 2012—2014 hadach Stryhunoŭ atrymaŭ chabar na ahulnuju sumu bolš za 66 miljonaŭ rubloŭ (kala 840 tysiač dalaraŭ) ad pradstaŭnikoŭ kamiercyjnych kampanij za «pratekcyju» pry vykanańni bujnych dziaržaŭnych budaŭničych kantraktaŭ.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary