Ukrainski bok užo ŭ lipieni atrymaje pieršyja takija srodki, vytvorčaść jakich prafinansavała Hiermanija. Pra heta zajaviš hienierał Bundeśviera Kryścijan Frojdynh, piša «Jeŭrapiejskaja praŭda»
Niamiecki hienierał padkreśliŭ, što Hiermanija padtrymaje Ukrainu, nadaŭšy finansavańnie na pastaŭku vialikaj kolkaści dalnabojnych srodkaŭ u sotni adzinak.
Pavodle słoŭ Frojdynha, ciapier situacyja va Ukrainie «biezumoŭna napružanaja ŭ vajennym dačynieńni», rasijskija ŭzbrojenyja siły «znachodziacca ŭ nastupie ŭžo niekalki tydniaŭ, kali nie miesiacaŭ».
«Nam patrebnyja sistemy ŭzbrajeńnia, jakija mohuć pranikać hłyboka na rasijskuju terytoryju i nanosić udary pa składach, kamandnych punktach, aeradromach i samalotach», — adznačyŭ jon.
Pieršyja dalnabojnyja sistemy ŭzbrajeńnia, prafinansavanyja Hiermanijaj, pavinny być pastaŭleny ŭžo ŭ kancy lipienia, raspavioŭ hienierał.
Kamientary