Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa
Sienatar-respublikaniec Lindsi Hrem, viadomy svajoj ćviordaj pazicyjaj adnosna Rasii, paraiŭ stavicca da anansavanaj zaŭtrašniaj zajavy prezidenta ZŠA Donalda Trampa surjozna. Maŭlaŭ, u najbližejšy čas my ŭbačym rekordnyja pastaŭki zbroi dla taho, kab dapamahčy Ukrainie abaranić siabie, skazaŭ jon u intervju CBS News.
Amieryka, pa słovach Lindsi Hrema, pačnie pradavać Jeŭropie vielizarnuju kolkaść zbroi, jakaja moža prynieści karyść Ukrainie. Jon taksama raić sačyć za navinami pra aryštavanyja aktyvy Rasii.
«Pucin raźličvaŭ, što my stamlajemsia, i Jeŭropa taksama. Jon zrabiŭ vielizarnuju pamyłku», — zajaviŭ sienatar-respublikaniec.
Pavodle jaho słoŭ, Kanhres znachodzicca na miažy pryniaćcia samaha značnaha pakieta sankcyj u historyi ZŠA.
«Hałoŭnyja parušalniki tut — Indyja, Kitaj i Brazilija. Indyja kuplaje rasijskuju naftu za biescań i pierapradaje jaje. Heta ahidna. Ja razmaŭlaŭ z prezidentam Trampam. Na minułym tydni jon skazaŭ, što para dziejničać. Jon sprabavaŭ uhavaryć Pucina sieści za stoł pieramoŭ. Ale maja meta — pakłaści kaniec hetaj vajnie, i adziny sposab zrabić heta — prymusić tych, chto padtrymlivaje Pucina, vybirać pamiž amierykanskaj ekanomikaj i dapamohaj Pucinu», — zajaviŭ Lindsi Hrem.
«Kidaje ŭ nas kučy haŭna». Tramp zajaviŭ pra svaju niezadavolenaść Pucinym
Sienatar Hrem: Tramp padtrymaŭ novyja sankcyi suprać Rasii
Tramp hatovy razam ź Jeŭropaj cisnuć na Rasiju z dapamohaj novych sankcyj
Samy hnutki sienatar ZŠA paśla krytyki Trampam rasijskich udaraŭ pa Ukrainie nahadaŭ pra dadatkovyja sankcyi suprać RF
Kamientary