Pry pajezdcy ź Biełarusi ŭ Polšču na miažy čakać tolki 6 hadzin, a nazad — sutki
Situacyja na biełaruska-polskaj miažy pieraviarnułasia z noh na hałavu: raniej vyjezdu ŭ susiedniuju krainu čakali sutkami — a ciapier tolki 5 hadzin. Zatoje ahromnistyja čerhi vystrailisia na ŭjezd u Biełaruś, piša «Biełsat».
Pavodle źviestak Dziaržaŭnaha pamiežnaha kamiteta na 18:00, u Breście vyjezdu ŭ Polšču čakajuć 260 lehkavikoŭ. Prosta ciapier u punkt propusku vyklikajuć tych, chto zarehistravaŭsia 6 hadzin tamu. Siońnia a 8:00 čarhi zusim nie było.
«Ja siońnia, jak pahladzieŭ, — afihieŭ, što čarha syšła», — pryznajucca ŭ Telegram-čatach.
Inšyja, zrešty, upeŭnienyja, što takaja volnica ŭ Breście chutka skončycca:
«Paru dzion — i znoŭ čarha RB-RP na niekalki dzion budzie».
Jašče na minułym tydni padarožnikam davodziłasia tracić i 5 sutak, u čarzie było 2300 aŭtaŭ.
U inšaj čarzie — 18 aŭtobusaŭ. U spravazdačach u telehram-čatach padarožniki pišuć, što navat ź pierasadkami ŭ aŭtobusy, bližejšyja da šłahbaumu, čakać davodzicca nie mienš za 12 hadzin.
Aŭtobus Ecolines, jaki mieŭ pryjechać siońnia ź Minsku ŭ Varšavu ŭ 00:15, prybyŭ u 9:40, a toj, što čakaŭsia u 5:20, pryjechaŭ u 15:40.
Pry hetym u Tarespali ciapier — zusim ciažka. U čarzie kala 420 lehkavych aŭto. U čatach śviedčać, što davodzicca čakać minimum sutki. Elektronnaj čarhi niama, praz heta isnuje pahroza «ŭlezunoŭ». Padarožniki składajuć śpisy, sočać, kab nichto nie ŭcisnuŭsia, unačy budziać adzin adnaho, kab čarha ruchałasia i ŭ joj nie źjaŭlalisia dzirki.
«Dziakuj palicyjantam, jakija siońnia dziažurać i choć krychu prasoŭvajuć čarhu. Užo niekaha štrafavali», — pišuć u čatach.
Padarožniki narakajuć na biełaruskich mytnikaŭ, jakija pilna spraŭdžvajuć usie rečy:
«Zajechali ŭ čarhu ŭ 3:00 12.07.2025, a zajechali ŭ Biełaruś a 5:00 13.07.2025. Ahułam — 26 hadzin katarhi, prosta žeść. Biełarusy — i renthien, i sabaka, i ŭsie rečy pieratreśli».
Aŭtobusaŭ u Tarespali ŭ bok Biełarusi ciapier 30. Tut taksama pierasadžvajucca bližej da šłahbauma. I navat u takim vypadku — minimalna 8 hadzin čakańnia.
Aŭtobusy mocna spaźniajucca: siońnia ŭ 14:35 u Minsk z Varšavy pryjechaŭ aŭtobus, što mieŭsia prybyć jašče ŭčora ŭ 20:15; u 5:40 pryjechaŭ aŭtobus, jaki pavodle raskładu musiŭ być učora ŭ 11:00.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary