Lehiendarny charvacki paŭabaronca Łuka Modryč staŭ hulcom italjanskaha «Miłana», paviedamlaje pressłužba kłuba.
Łuka, jakomu ŭ vieraśni spoŭnicca 40 hadoŭ, padpisaŭ adnahadovy kantrakt — da 30 červienia 2026 hoda z mahčymaściu padaŭžeńnia jašče na hod. Finansavyja detali damovy nie raskryvajucca.
U «Miłanie» Modryč budzie vystupać pad 14-m hulniavym numaram.
Pierachod adbyŭsia na pravach svabodnaha ahienta, bo Łuka pakinuŭ madrydski «Reał» paśla Kłubnaha čempijanatu śvietu, dzie ispanski kłub sastupiŭ ŭ čverćfinale PSŽ (0:4).
Modryč pierajšoŭ u «Reał» uletku 2012 hoda z «Totenchema» za 22,5 miljona jeŭra. Za 13 hadoŭ u Madrydzie jon staŭ samym tytułavanym hulcom u historyi «hałaktykas», vyjhraŭšy 28 trafiejaŭ, u tym liku šeść Lihaŭ čempijonaŭ i čatyry čempijanaty Ispanii.
U 2018 hodzie Modryč staŭ uładalnikam «Załatoha miača» i pryza The Best. Jon staŭ siarebranym i bronzavym pryzioram čempijanatu śvietu pa futbole.
Kamientary