Легендарны харвацкі паўабаронца Лука Модрыч стаў гульцом італьянскага «Мілана», паведамляе прэсслужба клуба.
Лука, якому ў верасні споўніцца 40 гадоў, падпісаў аднагадовы кантракт — да 30 чэрвеня 2026 года з магчымасцю падаўжэння яшчэ на год. Фінансавыя дэталі дамовы не раскрываюцца.
У «Мілане» Модрыч будзе выступаць пад 14-м гульнявым нумарам.
Пераход адбыўся на правах свабоднага агента, бо Лука пакінуў мадрыдскі «Рэал» пасля Клубнага чэмпіянату свету, дзе іспанскі клуб саступіў ў чвэрцьфінале ПСЖ (0:4).
Модрыч перайшоў у «Рэал» улетку 2012 года з «Тотэнхэма» за 22,5 мільёна еўра. За 13 гадоў у Мадрыдзе ён стаў самым тытулаваным гульцом у гісторыі «галактыкас», выйграўшы 28 трафеяў, у тым ліку шэсць Лігаў чэмпіёнаў і чатыры чэмпіянаты Іспаніі.
У 2018 годзе Модрыч стаў уладальнікам «Залатога мяча» і прыза The Best. Ён стаў сярэбраным і бронзавым прызёрам чэмпіянату свету па футболе.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары