Błohier Siarhiej Piatruchin raspavioŭ u fejsbuku, što novaja rabota lahčejšaja, cikaviejšaja i za jaje bolš płaciać, čym na dastaŭcy ježy.
«Znajšoŭ novuju pracu. Budu zdymacca ŭ kino. Sieryjały. Zaŭtra pačynaju. Maju 5 kropak na tydzień. Moža kamu prydasca. Urocłaŭ», — napisaŭ Piatruchin.
Pavodle jaho słoŭ, statystam lahčej i cikaviej čym na ubiery. Cikaviej i pa hrošach. Staŭka na hadzinu ad 85 zł brutto (kala 20 jeŭra).
«Chto viedaje, moža paščaścić i polskija režysiory ŭbačać usiu biezdań majho dramatyčnaha talentu i daduć mnie hałoŭnuju rolu?» — napisaŭ błohier, dadaŭšy smajliki.
U studzieni błohier raspavioŭ, što ŭładkavaŭsia ŭ Polščy dastaŭščykam ježy ŭ servisie Uber Eats.
Błohier Siarhiej Piatruchin staŭ viadomy ŭ siaredzinie 2010-ch dziakujučy prajektu «Narodny reparcior». Razam z Alaksandram Kabanavym jon zdymaŭ roliki pra žyćcio Bresta i prablemy haradžan.
Piatruchin byŭ aryštavany ŭ červieni 2020-ha, jašče da vybaraŭ. Jamu i Kabanavu prysudzili pa try hady kałonii. Paśla vyzvaleńnia ŭ śniežni 2022-ha Piatruchin viarnuŭsia ŭ Brest, dzie pražyŭ bolš za hod. U studzieni 2024-ha błohier vyjechaŭ u emihracyju.
U Polščy Piatruchin adnaviŭ «Narodny reparcior», akcent jaho ŭvahi źmiaściŭsia na pošuk niadobrasumlennych pradstaŭnikoŭ apazicyi.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
Dziakuj Bohu, spadar Siarhiej, što vy ŭ nas jość u hetaj kłaace "talentaŭ" hrantavaha frontu!