Polskaja prakuratura paćviardžaje, što napad na rasijskaha apazicyjaniera Vołkava rabiŭsia «pad upłyvam» Leanida Nieŭźlina
Polskaja nacyjanalnaja prakuratura vyśvietliła, što napad na paplečnika Alaksieja Navalnaha Leanida Vołkava ŭ Vilni ŭ sakaviku 2024 hoda moh być arhanizavany pad upłyvam Leanida Nieŭźlina — byłoha suŭładalnika kampanii JUKOS. Zakazčykam napadu byŭ juryst Anatol Blinoŭ i, pavodle vysnoŭ śledstva, jon znachodziŭsia pad uździejańniem Nieŭźlina, paviedamlaje hazieta Rzeczpospolita.
Vysnovy polskaj prakuratury častkova paćviardžajuć vyniki raniejšaha rasśledavańnia rasijskaha Fondu baraćby z karupcyjaj (arhanizacyja prychilnikaŭ Alaksieja Navalnaha), pradstaŭlenaje ŭ vieraśni 2024 hoda. Zhodna ź imi, Blinoŭ byŭ u pastajannym kantakcie ź Nieŭźlinym padčas napadaŭ na Vołkava ŭ Vilni, jašče adnaho apazicyjaniera Ivana Ždanava ŭ Ženievie i Alaksandru Pietračkovu (žonku ekanamista Maksima Mironava) u Buenas-Ajresie.
Pavodle infarmacyi polskaha śledstva, Nieŭźlin moh być zacikaŭleny ŭ hetych dziejańniach, kab spynić krytyku z boku kamandy Alaksieja Navalnaha.
U materyjałach spravy — pakazańni adnaho ź fihurantaŭ, biełarusa Viktara Paviełki, ź jakim Blinoŭ paznajomiŭsia ŭ kazino. Paviełka nibyta dapamahaŭ šukać vykanaŭcaŭ i byŭ suviaznym pamiž imi i Blinovym. Taksama zhadvajucca tekstavyja paviedamleńni pamiž Blinovym i Nieŭźlinym, ale ich sapraŭdnaść vyklikaje sumnievy — bo atrymanyja jany nibyta ad asoby, źviazanaj z FSB, i nie paćvierdžanyja aryhinalnymi nośbitami.
Pa spravie prachodziać 11 padazravanych. Anatolu Blinovu vystavili abvinavačańnie ŭ padbuchtorvańni da napadaŭ z palityčnymi matyvami — jamu pahražaje da piaci hadoŭ źniavoleńnia. Choć sud zamianiŭ jamu aryšt na zakład u 200 tysiač złotych (kala $54 tysiač), hrošy vypłačanyja nie byli.
Anatol Blinoŭ admaŭlaje svaju vinu. Nieŭźlin na dopyt u Polščy nie źjaviŭsia. Jon usie abvinavačańni adchilaje i nazyvaje infarmacyju pra napady «prapahandaj z Maskvy». Jahony biznes-partnior Michaił Chadarkoŭski byŭ dapytany vosieńniu 2024 hoda.
«Nieŭźlinhiejt»: litoŭski palitołah znajšoŭ ahulnaje pamiž napadam na rasijskich apazicyjanieraŭ i pravakacyjami suprać biełarusaŭ
Rasijskuju «Sotu», jakaja močyć Cichanoŭskuju, spansiruje aliharch Nieŭźlin
Kaho ź biełaruskaj apazicyi padtrymlivaje rasijski miljanier Nieŭźlin?
Stała viadoma, u čym padazrajuć biełarusa, zatrymanaha za napad na rasijskaha apazicyjaniera Vołkava
Radzina rezka adkazała Chalezinu: Nieŭźlin — moj siabar, jaki šmat zrabiŭ dla raźvićcia demakratyi ŭ mnohich krainach
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary