Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym
U čaćvier varšaŭskaja «Lehija» sustreniecca z kazachstanskim «FK Aktabe» ŭ matčy ŭ adkaz pieršaha raŭndu kvalifikacyi Lihi Jeŭropy. Ale samy darahi ź biełaruskich futbalistaŭ Illa Škuryn nie zmoža dapamahčy kłubu.
Jak paviedamlaje Kšyštaf Marciniak z telekanała Canal+ Sport, trenier Edvard Jordaniesku nie zmoža skarystacca biełarusam. Adnak u forvarda nie prablemy sa zdaroŭjem, bo jamu ničoha nie balić. Klučavuju rolu adyhryvajuć palityčnyja pytańni, piša Sport.pl.
Škuryn adkryta krytykuje režym Alaksandra Łukašenki. Jon admoviŭsia hulać za zbornuju Biełarusi, pakul u krainie nie źmienicca ŭłada.
Futbalist «Lehii» baicca, što ŭłady Biełarusi mohuć paŭpłyvać na słužby ŭ Kazachstanie i naškodzić jamu — naprykład, nie ŭpuścić u krainu abo zatrymać u aeraporcie ci ŭ hateli.
U pieršym matčy «Lehija» ŭ Varšavie pieramahła 1:0. Matč u adkaz projdzie u čaćvier.
Illa Škuryn pierajšoŭ u varšaŭskuju «Lehiju» u lutym hetaha hoda.
Kamientary
Mabyć, tolki tady kiraŭnictva tych krain pačnie dystancavacca ad supracoŭnictva i ludziam budzie biaśpiečna tudy pryjazdžać.