U novym vypusku TOKu viadomy doktar Andruś Biełavieškin, kandydat miedycynskich navuk i aŭtar niekalkich knih pra zdarovy ład žyćcia i charčavańnie, nazvaŭ pryčynu taho, čamu ŭsio čaściej patałahičnyja pracesy zapuskajucca ŭ maładym arhaniźmie.
Biełavieškin adznačaje, što ŭ sučasnych dziaciej i padletkaŭ nazirajecca raniejšaje pałavoje paśpiavańnie. A hałoŭnaja pryčyna jak rańniaha pałavoha paśpiavańnia, tak i rańniaha zachvorvańnia — niezdarovy ład žyćcia.
«Rańniaje pałavoje paśpiavańnie i rańni dyjabiet — heta dva baki adnaho miedala. Tamu što praźmiernaje pierajadańnie, pačynajučy jašče ź dziacinstva, prosta zapuskaje raniej [pracesy]. Tamu što, naprykład, u dziaŭčynak pałavoje paśpiavańnie pačynajecca, kali jany nabirajuć krytyčnuju masu tłušču».
Toj samy miechanizm pracuje i ŭ chłopčykaŭ — tłušč zapuskaje harmanalnyja źmieny raniej za fizijałahičnuju hatoŭnaść.
Takim čynam, praciahvaje ekśpiert, kali čałaviek maje lišniuju vahu ŭžo ŭ dziacinstvie, «a nie paśla 25 jon pačaŭ sa stresu niešta zajadać», to jon sutykniecca z raźvićciom prablem, źviazanych z atłuścieńniem, raniej na 5—10 hadoŭ.
«Atłuścieńnie — heta nie prosta kaśmietyčny niejki niedachop, heta ryzyka i dyjabietu, i demiencyi, i chvaroby serca, i jano pavialičvaje ryzyku amal 15 vidaŭ raka», — davodzić Biełavieškin.
Jak tłumačyć doktar, lišni tłušč — heta «harmanalna aktyŭny orhan».
«U mužčyn, naprykład, čym šyrej talija, tym nižejšy ŭzrovień testasteronu. A ŭ žančyn naadvarot, u ich unutrany tłušč pavialičvaje ŭzrovień andrahienaŭ».
U vyniku, pa słovach Biełavieškina, heta stvaraje harmanalny dysbałans, jaki pryvodzić da prablem ź fiertylnaściu.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
PS. A talii ŭ ludziej byli roznymi dziasiatki tysiač hadoŭ, taksama, jak i vaha, seksualnaje vyśpiavańnie, i dtp. Byli roznymi ŭvieś toj čas, kali ŭzrost tych, pamaładzieŭšych ciapier, chvarobaŭ nia źviedvaŭ niejkich pieramienaŭ... Bo adno druhoha nia tyčyłasia, i nia tyčycca, nijak i zusim.
Bolšaść chvarob nie stali maładziejšymi, a ich-ch paprostu stali dyjahnazavać na rańnich stadyjach. Niejkuju tryznu pra idealny śviet, dzie ŭsie admoviacca ad psichaaktyŭnych rečyvaŭ nafantazavaŭ, pierakruciŭ ekśpierymient z pacukom.
Ale bolšaść pretenzij da Nasty, bo jana jamu zdavałasia pytańni, jakija tyčacca sistemy achovy zdaroŭja, a treba było pytacca ab prafiłaktycy chvarobaŭ. Bo ŭ arhanizacyi achovy zdaroŭja Andrej nie źjaŭlajecca śpiecyjalistam.