A Ukraina, na dumku pres-sakratara prezidenta Rasii, pieravodzić kanflikt u inšuju paradyhmu.
Dźmitryj Piaskoŭ prakamientavaŭ rasijski ŭdar pa Ukrainie. «Vy bačycie, što nanosiacca sistemnyja ŭdary pa vajennaj infrastruktury kijeŭskaha režymu. Pa Kijevie, pa inšych haradach», — zajaviŭ aficyjny pradstaŭnik Kramla žurnalistam.
Jon taksama rastłumačyŭ słovy Pucina, jaki raniej kazaŭ, što ŭkrainskija ŭłady ŭdarami pa Starabielsku i Hieničesku vyrašyli «nadać kanfliktu ŭ cełym novuju jakaść».
Kaledž u Starabielsku, pavodle słoŭ Piaskova, «nikoli nie byŭ vajennym ci kalavajennym abjektam».
«Kijeŭski režym heta vydatna viedaŭ i źniščyŭ kaledž, viedajučy heta, absalutna naŭmysna. Adpaviedna, kali kijeŭski režym śviadoma idzie na takija biesčałaviečnyja, što znachodziacca za miežami čałaviečnaści, terarystyčnyja akty ŭ dačynieńni da mirnaha nasielnictva, u dačynieńni da dziaciej, heta i jość zusim inšaja paradyhma», — skazaŭ aficyjny pradstaŭnik Kramla.
Paśla ŭdaru pa Starabielsku ŭ noč na 21 maja, u vyniku jakoha zahinuŭ 21 čałaviek, Pucin daručyŭ Ministerstvu abarony Rasii «pradstavić svaje prapanovy» nakont mier u adkaz.
Paśla hetaha Kijeŭ i inšyja harady Ukrainy padvierhlisia masiravanym udaram, u jakich byli zadziejničany bolš za 600 bieśpiłotnikaŭ, u noč na 24 maja i ŭ noč na 2 červienia.
Padčas siońniašniaha ŭdaru ŭ Kijevie zahinuli šeść čałaviek, kolkaść achviaraŭ u Dniapry dasiahnuła 12. Niekalki dziasiatkaŭ čałaviek paranienyja.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary