Biełavieškin: «Aziempik» prosta instrumient, a nie niejki cud, jaki ŭsim univiersalna padychodzić
Viadomy doktar Andruś Biełavieškin, kandydat miedycynskich navuk i aŭtar niekalkich knih pra zdarovy ład žyćcia i charčavańnie, u novym vypusku TOKu raskazaŭ, kamu moža naškodzić viadomy preparat dla pachudzieńnia.
Doktar Biełavieškin upeŭnieny, što «Aziempik» — preparat, u efiektyŭnaści jakoha nikoha nie treba pierakonvać. Adnak nazyvać jaho «cuda-lekam» ekśpiert nie raić. Dla taho, kab patłumačyć svoj pohlad, jon pryvodzić u prykład taki instrumient, jak małatok.
«Kali ty zabiŭ ćvik i na im paviesiŭ ramu, heta cudoŭny instrumient. Kali ty ŭdaryŭ sabie pa palcu, heta «praklaty małatok».
Taki ž padychod i da «Aziempika». Heta prosta instrumient, davodzić Biełavieškin, efiektyŭnaść jakoha zaležyć ad taho, jak my im karystajemsia.
Dla ludziej z sapraŭdnymi prablemami vahi i častymi niaŭdałymi sprobami źnizić vahu «Aziempik» moža być vielmi karysnym. Jon źmianšaje apietyt i palahčaje praces pachudzieńnia, źnižaje pakuty ad hoładu. U hetym vypadku preparat stanovicca i dadatkovym stymułam złamać zamknionaje koła pierajadańnia i viartańnia vahi:
«Kali čałaviek, jaki sprabavaŭ mnostva razoŭ pachudzieć, u jaho nie atrymoŭvajecca, jon zamučany, ciažki, dla jaho heta dobry «kastyl», dadatkovy šturšok kab źmianić svajo charčavańnie, kab nie mučycca hoładam u čas, kali jon chudzieje. [U hetym vypadku aparat] cudoŭna, kłasna pracuje», — davodzić śpiecyjalist.
Adnak śpiecyjalist nie raić vykarystoŭvać preparat tym, chto imkniecca skinuć «apošnija paru milimietraŭ» dziela źniešniaha vyhladu, bo takim ludziam preparat moža nanieści škodu:
«Kali čałaviek lažyć i dumaje: «Voś u mianie taŭščynia hetaj skurki, jašče b na paru milimietraŭ [skinuć]. Ja tak zdarovy. Ale prosta voś moda», to ŭ takim vypadku čałaviek moža praźmierna pachudzieć, «źlić» usie svaje myšcy. Tamu što «Aziempik» taksama chudzieje nie mienavita tłuščam, a ludzi hublajuć i myšcy davoli chutka».
A kali potym jaho admienić i pačnie znoŭ pierajadać, zamiest hetych myšcaŭ nabirajučy tłušč, to ŭ jaho finalny vynik, napeŭna budzie admoŭnym».
«To-bok heta prosta instrumient, a nie niejki cud, jaki ŭsim univiersalna padychodzić», — padsumoŭvaje Biełavieškin.
Ciapier čytajuć
Andrej Pavuk uładkavaŭsia kiroŭcam tralejbusa ŭ Vilni i raskazaŭ, jak jano19
Kamientary
To jesť jeśli lečitsia v kriedit,možno potriebiť na 1,5 tłn dołłarov miedicinskich usłuh i tohda voznahraždienija banku sostavit 15 młrd.