Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»
Alaksandr Ivulin i Ryhor Astapienia ŭ prajekcie «Heta top» zavitali ŭ Vilniu i zrabili vialiki siužet pra «Našu Nivu» pačatku XX stahodździa.
Dyrektarka siońniašniaj «Našaj Nivy» Nasta Roŭda i adradžalnik vydańnia ŭ 1991-m Siarhiej Dubaviec raskazvajuć, jak była zasnavana ŭ 1906 hodzie, pra tych ludziej, što stali zasnavalnikami ŭ pačatku XX stahodździa, a taksama pra pierajemnaść.
Nasta Roŭda padarožničaje z aŭtarami pa starych adrasach vydańnia, raskazvaje, jak Jadvihin Š. prosta ŭ redakcyi smažyŭ skvarki, Janka Kupała, čyj łožak nahadvaŭ dochłaha viarbluda, narakaŭ na biednaść, a padnačalenyja drukara Marcina Kuchty ratavali kanfiskavanyja numary.
Jość i pra lubimyja miescy žurnalistaŭ pačatku XX stahodździa, u pryvatnaści, kultavaje miesca intelihiencyi restaracyju «Čyrvony štral». Tam, naprykład, Janka Kupała adčytaŭ vyšybału restaracyi, jak toj nie puskaŭ mamu Paŭliny Miadziołki.
Kamientary