U Minsku tapola hrymnułasia na aŭtamabil. Zavod zapłaciŭ salidnuju kampiensacyju
Žančyna ŭ kancy červienia minułaha hoda pieradała svoj aŭtamabil dla ramontu ŭ adnu arhanizacyju.
Mašyna znachodziłasia na terytoryi zavoda, dzie rasła tapola. Dreva ŭpała i paškodziła aŭtamabil. Jak paviedamlaje sud Frunzienskaha rajona Minska, pa vynikach dendrałahičnaj ekśpiertyzy tapola była pryznana niebiaśpiečnaj.
Minčanka prasiła spahnać z adkazčyka 9 698,36 rubla ŭ jakaści kampiensacyi materyjalnaj škody, a taksama sudovyja vydatki. U sudzie jana padtrymała svaje patrabavańni. Pradstaŭniki zavoda i kampanii z pazovam nie pahadzilisia.
Sud pryjšoŭ da vysnovy, što škoda pavinna być kampiensavana. Było ŭstanoŭlena, što dreva znachodziłasia ŭ niezdavalniajučym stanie, adnak zavod svoječasova nie pryniaŭ miery dla biaśpieki. Mienavita padzieńnie hetaha dreva stała pryčynaj paškodžańnia aŭtamabila.
Rašeńniem suda pastanoŭlena spahnać z adkazčyka (zavoda) u karyść pazoŭščycy:
- škodu pamieram 9 698,36 rubla;
- sudovyja vydatki — 1 050,60 rubla;
- vydatki na apłatu dapamohi pradstaŭnika — 1 500 rubloŭ;
- vydatki na apłatu dziaržaŭnaj pošliny ŭ sumie 484,92 rubla.
Pry hetym sud admoviŭ žančynie ŭ pazovie da tavarystva (arhanizacyi pa ramoncie) ab kampiensacyi škody.
Rašeńnie suda nie było abskardžana i ŭstupiła ŭ zakonnuju siłu.
Byłoha supracoŭnika kontrraźviedki KDB aryštavali za zdradu dziaržavie9
Kamientary