HUR paviedamiła pra źniščeńnie ŭčastka rasijskaha hazapravoda, jaki absłuhoŭvaŭ VPK
U vyniku śpiecapieracyi Hałoŭnaha ŭpraŭleńnia raźviedki Ministerstva abarony Ukrainy byŭ źniščany ŭčastak vialikaha mahistralnaha hazapravoda, jaki absłuhoŭvaje pradpryjemstvy rasijskaha VPK u Čalabinskaj, Arenburhskaj i Śviardłoŭskaj abłaściach Rasii, paviedamlaje «Ukrainskaja praŭda».
Pa słovach krynicy vydańnia ŭ HUR, uviečary 10 lipienia ŭ rasijskim horadzie Łanhiepas u Chanty-Mansijskaj aŭtanomnaj akruzie Ciumienskaj vobłaści adbyŭsia mahutny vybuch z nastupnym maštabnym pažaram.
Surazmoŭca «Ukrainskaj praŭdy» adznačaje, što prapusknaja zdolnaść hazapravoda, jaki trapiŭ pad ataku — 2,6 miljarda kubičnych mietraŭ pryrodnaha hazu za hod. A ŭličvajučy adlehłaść pamiž hazavymi kampresarnymi stancyjami (kala 20 kiłamietraŭ), u dźviuch paškodžanych vybuchami trubach znachodziłasia prykładna 4 112 000 kubičnych mietraŭ hazu.
Pavodle acenak raźviedki, pakolki košt 1000 kubičnych mietraŭ hazu ciapier składaje kala 350 dalaraŭ ZŠA, suma tolki adnarazovaj naniesienaj škody składaje nie mienš za 1,3 miljona dalaraŭ ZŠA.
Surazmoŭca z HUR tłumačyć, što raboty pa adnaŭleńni i testavańni hazapravoda praciahnucca kala adnaho miesiaca, bo paškodžanyja truby raźmieščanyja ŭ bałocistaj miascovaści, što abciažarvaje pracu ramontnych bryhad i pryviadzie da pamianšeńnia abjomu pastavak hazu na nazvany pieryjad da 25 miljonaŭ kubičnych mietraŭ.
«Stanovišča adčajnaje». U «Hazpramie» nie viedajuć, kudy padzieć 60 miljardaŭ kubamietraŭ nieraspradadzienaha hazu
Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy
U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii
Kamientary