«Majem adnu važnuju začepku». Rasśledavalniki praciahvajuć pošuk Mielnikavaj
Šef-redaktar «The Insider» i adzin z suaŭtaraŭ rasśledavańnia źniknieńnia Anžaliki Mielnikavaj Cimur Aleŭski skazaŭ «Biełsatu», što pošuki praciahvajucca i ciapier žurnalisty majuć «adnu važnuju začepku». Jon, zrešty, nie raskryŭ, pra što idziecca.
Cimur Aleŭski nie vyklučyŭ, što ŭ chutkim časie vyjdzie nastupnaja častka razboru:
«My zajmajemsia pošukami Anžaliki. My zaraz majem adnu važnuju začepku, jaje treba adpracavać. Kali my słušna razumiejem, što my znajšli, to budzie publikacyja, adnak ja nie mahu raskazvać padrabiaznaściaŭ. Ciaham dvuch tydniaŭ, miarkuju, budzie zrazumieła».
Žurnalist zapeŭniŭ, što pošuki buduć praciahvacca:
«Usich siłaŭ kidać na pošuki my taksama nie možam, adnak čałaviek źnik, takoha być nie moža. Treba znajści».
U Polščy aficyjnaje rasśledavańnie viadzie Departamient u spravie arhanizavanaj złačynnaści i karupcyi Nacyjanalnaj prakuratury. «Biełsat» čarhovy raz źviarnuŭsia ŭ viedamstva z prośbaju raskryć detali razboru i atrymaŭ admovu.
«Rasśledavańnie praciahvajecca. U intaresach śledstva nie ŭjaŭlajecca mahčymym dać infarmacyju pra vyniki rasśledavańnia», — zajaviła pradstaŭnica prakuratury Katažyna Caleŭ-Jašeŭska.
U pres-słužbie Narodnaha antykryzisnaha ŭpraŭleńnia pad kiraŭnictvam Paŭła Łatuški, a taksama ŭ arhanizacyi «Kibierpartyzany» skazali «Biełsatu», što nie majuć pra Mielnikavu nijakich novych źviestak.
Aktyvistka pakinuła terytoryju Polščy i Jeŭraźviazu 26 lutaha 2025 hoda dy palacieła ŭ Łondan. Pavodle rasśledavalnikaŭ, za dzień da vyletu jana zareziervavała numar u piacizorkavym hateli na Šry-Łancy, dzie ŭžo byvała raniej. Z 28 lutaha da 7 sakavika Mielnikava žyła ŭ tym hateli ź dziećmi. 7 sakavika Mielnikava ź dziećmi palacieła ŭ Dubaj, tam jejny śled hublajecca. 25 sakavika jana pierastała vychodzić na suviaź.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
Dzie ž jana, čamu nie pakazali, brechło.