Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści
U pačatku maja Raman Pratasievič chvaliŭsia, što pajšoŭ na kursy barmienaŭ. Ciapier jon znajšoŭ pracu i pachvaliŭsia hetym u ankiecie dla znajomstvaŭ.
Błohier Raman Pratasievič skončyŭ kursy barmienaŭ i ŭładkavaŭsia na pracu ŭ bar.
Miarkujučy pa jahonaj ankiecie ŭ čacie znajomstvaŭ u prahramie Boo, jon pracuje ŭ bary «Butlehier», jaki znachodzicca ŭ centry Minska, na skryžavańni vulic Kamsamolskaja i Internacyjanalnaja, 16.
Histaryčny budynak pa Internacyjanalnaj, 16, dzie možna znajści «Butlehier», viadomy jak Dom Liŭšyca. Heta madernovaje błakitnaje trochpaviarchovie zbudavańnie, jakoje paŭstała ŭ 1890 hodzie.
«Butlehier» maje ŭ vodhukach na «Jandeksie» najvyšejšy rejtynh: 5,0. «Heta bar zakrytaha typu, dzie vielmi smačnyja kaktejli i niezvyčajny anturaž. Adnoŭlena atmaśfiera Amieryki 30-ch hadoŭ», — piša naviedvalnica. Inšyja adznačajuć, što znajści ŭstanovu nie tak prosta, uvachod znachodzicca ŭ kramie kvietak, i bar nijak nie vydaje siabie.
Što da Pratasieviča, to pra siabie jon piša, što kuryć, trochu vypivaje, u boha nie vieryć i nie hiej. Siarod movaŭ, jakimi vałodaje, nazyvaje ruskuju, anhlijskuju i polskuju:
«Barmen i kotkabaćka. Mahu raskazać proćmu cikavych historyj pra ŭsio na śviecie. Umieju słuchać i padtrymlivać. Lublu ciažkuju muzyku, kavu, tatuiroŭki i pryhody», — skazana ŭ ankiecie.
Cikava, što jašče ŭ červieni ŭ intervju «Sputniku» Pratasievič na pytańni pra žonku nie kazaŭ, što jany razyšlisia, naadvarot — dzialiŭsia, što ŭ siamji hatuje jon i jany aboje nie lubiać supy.
«Naša Niva» — bastyjon biełaruščyny
PADTRYMAĆTramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary