Pratasievič raskazaŭ, kolki zarablaje viełakurjer servisu «Jandeks.Ježa»
Viełakurjer «Jandeks.Ježy» za vosiem hadzin pracy moža atrymać kala 60−70 rubloŭ. Pra heta raskazaŭ 15 traŭnia Raman Pratasievič, jaki kala miesiaca tamu ŭładkavaŭsia ŭ servis, piša «Lusterka».
Pratasievič adznačyŭ, što piešym kurjeram jon pracavać nie raić:
«Vy budziecie zarablać zusim niašmat. Kali ž dastaŭlać na rovary, jak heta rablu ja, to za vosiem hadzin vy možacie zarabić prykładna 60−70 rubloŭ. Mahčyma, 80. Usio zaležyć ad času, u jaki vy pracujecie, ad rajona i ad popytu. U tym liku i ad nadvorja — u doždž kaeficyjent vyšejšy».
Viełakurjer-pačatkoviec padkreśliŭ, što bolš za ŭsio zarablajuć tyja, chto dastaŭlaje ježu na aŭto. Jany za 12 hadzin mohuć atrymać «rubloŭ z 200−250».
«Heta absalutna realna, ale heta treba pracavać biez paŭzaŭ, bieź pierapynkaŭ, biez abiedaŭ», — patłumačyŭ Pratasievič.
Jon padzialiŭsia, što «trapić u kurjery — vielmi prosta». Usio, što treba zrabić — źviarnucca ŭ adzin z parkaŭ, dzie vydaduć termasumku i aformiać damovu padradu.
«Adkazvajučy na asnoŭnaje pytańnie: tak, zarabić možna, ale dla hetaha treba šmat pracavać. Kali ŭ vas jość rovar ci elektrasamakat, to zarablać hrošy, jakich budzie dastatkova, — całkam realna, ale heta nie buduć niejkija kaśmičnyja hrošy, i heta nie budzie jak u rekłamie, dzie abiacajuć da 16 rubloŭ za hadzinu. U siarednim na rovary ŭ vas budzie 8−10 rubloŭ za hadzinu, na mašynie — 12−15 rubloŭ za hadzinu», — padsumavaŭ błohier.
Pratasievič napisaŭ vieličny post pra «najciažejšuju dystrafiju» i «karaniapłod»
Raman Pratasievič raskazaŭ, jakuju novuju prafiesiju płanuje atrymać najbližejšym časam
Pratasievič usio ž taki znajšoŭ novuju pracu
Ściapan Puciła: Zdajecca, Pratasievič robić navat krychu bolš, čym ad jaho patrabavałasia
Pratasievič: U mianie niama nijakich pierśpiektyŭ, ja nikomu nie patrebien
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
davaj nie spyniajsia
[Zredahavana]