Nieabchodnyja hrošy dla 21-hadovaha palitviaźnia Kiryła Bałachonava amal sabranyja. Zastałosia zusim krychu
Niekalki dzion tamu Kirył Bałachonaŭ, što byŭ vyzvaleny 21 červienia, źviarnuŭsia z prośbaj ab dapamozie.
U 16 hadoŭ jon udzielničaŭ u pratestach-2020: malavaŭ na płatach bieł-čyrvona-biełyja ściahi, rabiŭ vuličnyja nadpisy. Heta zdavałasia važnym i sumlennym.
«A kali Rasija napała na Ukrainu, pačaŭ razvažać, čym mahu być karysny ŭ supracivie rasijskaj ahresii. Ustupiŭ u antyvajennuju telehram-supołku «Sajuz biełaruskaha nacyjanalnaha ščyta». Tam my abmieńvalisia infarmacyjaj ab pieramiaščeńni rasijskaj techniki, pisali antyvajennyja dopisy, dzialilisia materyjałami dla TikTok, padtrymlivali inšyja inicyjatyvy kštałtu «Biełaruskaha Hajuna». Potym ja staŭ adnym z adminaŭ supołki. U nas byli navat recepty «kaktejlaŭ». Usio heta, viadoma, śledčyja potym nie zabylisia ŭkazać u spravie. 1 listapada 2022 hoda MUS pryznała našu hrupu ekstremisckim farmavańniem. A praz tydzień mianie zatrymali. Mnie było 18. Pryhavor: 3 hady i 6 miesiacaŭ kałonii ŭzmocnienaha režymu», — kaža chłopiec.
«21 červienia 2025 hoda mianie niečakana vyzvalili. Heta było paśla vizitu śpiecpradstaŭnika prezidenta ZŠA. Mianie i jašče niekalkich čałaviek, u tym liku Siarhieja Cichanoŭskaha, adrazu vyvieźli ŭ Litvu. Ja apynuŭsia ŭ inšaj krainie, na voli, ale z adnym pašpartam, biez hrošaj, biez rečaŭ, biez razumieńnia, što rabić dalej. Ciapier usio vielmi niaprosta. Mnie treba niedzie žyć, na niejkija hrošy charčavacca, adnavić dakumienty, chacia b časova ŭładkavacca. I ja prašu dapamohi. Kab pratrymacca i nie pravalicca ŭ haleču ŭ pieršy ž miesiac na voli.
Dziakuj usim, chto heta čytaje. Lubaja padtrymka — heta znak, što ja nie adzin.
Suma zboru
- €3100
- €1200 — 3 miesiacy žylla
- €1000 — charčavańnie i bazavyja patreby
- €500 — adzieńnie, miedycyna, srodki suviazi, dakumienty
- €400 — rezierv na niepradbačanyja vydatki
Pa stanie na ranicu suboty 12 lipienia ź nieabchodnaj sumy ŭ 3100 jeŭra sabrana 2744 jeŭra. Zastałosia zusim krychu
Padtrymać Kiryła praz Bajsoł
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary