Z navalnicami i paryvistym vietram. Jakim budzie nadvorje na nastupnym tydni
Na nastupnym tydni ŭ vyniku pastupleńnia ciopłaha pavietra z poŭdnia tempieratura budzie vyšej za siarednija šmathadovyja značeńni. Razam zachavajecca niaŭstojlivaje nadvorje — daždžy z navalnicami, mocny viecier. To bok praciahłaha pieryjadu suchoha nadvorja čakać nie varta. Pra heta ŭ prahnozie nadvorja na tydzień z 14 pa 20 lipienia raskazaŭ sinoptyk Dźmitry Rabaŭ.
U pačatku tydnia na nadvorji adabjecca ŭpłyŭ atmaśfiernych frantoŭ z zachadu Jeŭropy. Prachodziačy, praź Biełaruś, jany pryniasuć u paniadziełak pa zachodniaj pałovie, a ŭ aŭtorak na bolšuju častku terytoryi krainy karotkačasovyja daždžy, navalnicy. Viecier paŭdniova-zachodni, umierany, pry navalnicach paryvisty — da 15-20 mietraŭ za siekundu. Vilhotnaść pavietra da 90%. Unačy ad +10 da +17°C. udzień u paniadziełak +25… + 29°C, u aŭtorak — + 22 … + 27°.
U siaredzinie tydnia ŭ Biełaruś prarviecca čarhovy atmaśfierny front, i nadvorje taksama budzie dalokim ad ustojlivaj raŭnavahi. Vobłačna z prajaśnieńniami. U bolšaści rajonaŭ časam karotkačasovyja daždžy, zachavajecca vialikaja vierahodnaść navalnic. Viecier paŭdniova-zachodni, umierany, pry navalnicach paryvisty. Vilhotnaść da 90%. Unačy ŭ sieradu ad +12 da +19°C, udzień +21…+27°C.
Papiarednie, na pačatku druhoj pałovy tydnia pachaładaje.
Biełaruś budzie znachodzicca ŭ vobłaści vysokaha atmaśfiernaha cisku, na fonie jakoha atmaśfierny front z zachadu pryniasie čarhovuju porcyju daždžoŭ i navalnic. Unačy i ranicaj miescami tuman. Viecier zachodni, umierany, pry navalnicach paryvisty. Vilhotnaść da 90%. Unačy ad +11 da +17°C. Udzień u čaćvier +17…+21°C, u piatnicu ad +14°C na zachadzie da +24°C na paŭdniova-ŭschodzie.
Na vychodnych nad Biełaruśsiu zachavajecca niaŭstojlivaść u atmaśfiery — źmiennaja vobłačnaść, u bolšaści rajonaŭ karotkačasovyja daždžy, zachavajecca vialikaja vierahodnaść navalnic. Viecier zachodni, paŭnočna-zachodni, umierany. Unačy i ranicaj tuman. Vilhotnaść da 80%. Unačy ad +9 da +14°C, u siaredzinie dnia ŭ subotu +18…+24°C, u niadzielu ad +18°C na ŭschodzie da +26°C na zachadzie.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary