Hiendyrektar STB raskazaŭ, jak na kanale źjaviŭsia Pratasievič, i zastupiŭsia za Azaronka: Ryhor staŭ miakčejšy
«Heta nietryvijalna».
Hienieralny dyrektar STB Alaksandr Asienka vysoka acaniŭ prapahandysta Ryhora Azaronka.
«Ryhor Jurjevič nasamreč vierny sabie, vierny krainie, vierny prezidentu, i jon nasamreč vielmi šmathranny», — zasypaŭ jaho kamplimientami Asienka ŭ prahramie «Skažiniemołči» na BT.
Pa słovach hiendyrektara, sumiesny prajekt Azaronka z Vadzimam Hihinym «Jak pakazvaje historyja» vydatna demanstruje erudycyju prapahandysta.
«To-bok jon šmat čytaje, jon šmat čaho viedaje, i tam jon troški inšy. Nu, a «Tajnyja spružyny palityki» — heta takaja kuvałda dla našych niepryjacielaŭ, vorahaŭ», — davodziŭ kiraŭnik STB.
Azaronka krytykujuć za nieetyčnaść i isteryčnaść, ale Asienka adstojvaje:
«Pa-pieršaje, Ryhor Jurjevič apošnim časam, skažam tak, staŭ značna miakčejšym, čym heta było ŭ 2020-m. Krytyku čytaju spakojna, usprymaju, daju jamu pačytać. (…) Aŭtarskaja žurnalistyka, jakaja źjaviłasia na STB u 2020 hodzie, — heta nasamreč mahutna. Heta nietryvijalna, heta byŭ efiekt takoj bomby, što razarvałasia, heta było kruta, i dahetul ja liču, što heta adzin z brendaŭ STB, jaki treba zachavać i pamnožyć».
Asienka raskazaŭ, jak na kanale źjaviŭsia Raman Pratasievič.
«Raman źviarnuŭsia z takoj prośbaj, što chacieŭ by pracavać na teleku. Hety prajekt, jaki zaraz bačać našy hledačy, naradziŭsia litaralna za 10 chvilin pa formie. Nu, a źmiest užo zastajecca za Ramanam».
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary
_____
Voś heta łukašyscki kadar. Jon biare kryminalna-palityčny eŭfemizm z rasiejskaj ahresii i prymianiaje da Biełarusi. Plus pazycyjanavańnie ŭ dačynieńni da vorahaŭ, čeł, nu dyk hetych vorahaŭ bolšaść, lustracyja niepaźbiežna.