Nas moža čakać samaje mocnaje pachaładańnie siezona, tempieratura moža apuścicca nižej za 30°S
Z 30 studzienia nadvorje ŭ našaj krainie pačnie vyznačać paŭdniovaja pieryfieryja skandynaŭskaha antycykłonu, pa jakoj pačniecca pieramiaščeńnie chałodnaha pavietra z poŭnačy jeŭrapiejskaj terytoryi Rasii, paviedamlaje telehram-kanał «Mietieovajb».
Pa-pieršaje, u antycykłon ulijecca jašče bolš chałodnaje jadro z Karskaha mora.
Pa-druhoje, z Čornaha mora ŭ napramku Pavołža pačnie zrušvacca i pahłyblacca aktyŭny paŭdniovy cykłon, tyłavaja častka jakoha ŭzmocnić prasoŭvańnie jašče bolš studzionaha arktyčnaha pavietra na paŭdniovy zachad.
U vyniku ŭ vychodnyja i na pačatku nastupnaha tydnia na terytoryju Biełarusi pačnie pastupać vielmi chałodnaja pavietranaja masa z admoŭnaj tempieraturnaj anamalijaj 15—20°C i bolš. Isnuje vysokaja vierahodnaść sutačnych rekordaŭ minimalnych tempieratur.
Pavodle źviestak madeli ECMWF, u noč na subotu na poŭnačy čakajecca da −25°C, u niadzielu ŭ bolšaści rajonaŭ −21…−27°C, miescami da −30°C.
A na pačatku tydnia słupki termomietraŭ miescami mohuć apuścicca nižej za −30°C.
Pakul ža samaja chałodnaja noč hetaj zimy była 14 studzienia. Na mieteastancyi «Vialiki Miežnik», što ŭ Škłoŭskim rajonie, było minus 29,7°S.
Potym niekalki načej samym chałodnym rehijonam byŭ areał Kličaŭ — Babrujsk, dzie było da minus 27.
Kamientary