76‑hadovaj minčancy patelefanavaŭ nieviadomy i pad vyhladam zamieny damafona vymaniŭ kod z SMS-paviedamleńnia. Piensijanierka pradyktavała ličby, i z hetaha momantu pačaŭsia łancužok padmanu.
Praź niekatory čas z žančynaj źviazałasia nibyta supracoŭnica banka. Jana papiaredziła, što ašukancy aformili na jaje imia kredyt pad zakład kvatery. Kab abaranić majomaść, nieabchodna vykanać ukazańni supracoŭnika kredytnaha adździeła DFR.
Jaho zvanok nie prymusiŭ siabie doŭha čakać. Złamyśnik pierakanaŭ paciarpiełuju pradać nieruchomaść — maŭlaŭ, heta nieabchodna dla jaje zachavanaści. Jon paabiacaŭ, što paźniej damovu anulujuć i žyllo vierniecca ŭ jaje ŭłasnaść. Uvieś hety «śpiektakl» ciahnuŭsia paŭtara miesiaca.
U studzieni piensijanierka ŭsio ž pradała kvateru za $63 000. Hrošy jana pieradała machlaram
Cikava, što na nastupny dzień da žančyny pryjšoŭ sapraŭdny supracoŭnik milicyi i pacikaviŭsia, ci nie mieła jana razmovy z machlarami i ci nie pieradavała hrošy. Adnak zapałochanaja piensijanierka ŭsio admaŭlała.
Paśla jana paviedamiła pra vizit učastkovaha psieŭdapravaachoŭniku i atrymała vyraznyja instrukcyi: nikomu ničoha nie raskazvać i vydalić usie paviedamleńni.
Padman raskryŭsia, kali praź niekatory čas paciarpiełaja razmaŭlała ź siastroj i abmoviłasia pra «śpiecapieracyju». Tady zaniepakojenaja svajačka paviedamiła pra zdareńnie synu žančyny. Jon źviarnuŭsia ŭ milicyju.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary