ZŠA źbirajucca adpravić ahientaŭ ICE dla achovy paradku na Alimpijadzie ŭ Italii. Italjancy aburanyja
U Italii rašeńnie ŭładaŭ ZŠA nakiravać supracoŭnikaŭ Imihracyjnaj i mytnaj słužby (ICE) dla ŭdziełu ŭ harantavańni biaśpieki na Zimovych Alimpijskich hulniach, jakija adbuducca ŭ lutym u Miłanie i Karcinie-d’Ampiecca, u mnohich vyklikała abureńnie, piša CNN.
Dziejnyja i byłyja italjanskija palityki zaklikali premjer-ministarku Džordžu Miełoni ŭmiašacca i nie dapuścić prysutnaści ahientaŭ ICE, asabliva na fonie dvuch śmiarotnych incydentaŭ padčas imihracyjnych rejdaŭ u Minieapalisie.
Ministerstva ŭnutranaj biaśpieki ZŠA paćvierdziła, što ICE sapraŭdy budzie zadziejničana, adnak padkreśliła: havorka idzie nie pra imihracyjny kantrol, a pra dapamožnuju rolu ŭ sistemie biaśpieki.
Supracoŭniki ICE źbirajucca padtrymlivać dypłamatyčnuju słužbu biaśpieki ZŠA i pracavać u kaardynacyi ź italjanskim bokam, pry hetym usie apieracyi zastanucca pad kantrolem uładaŭ Italii. U Rymie taksama ŭdakładnili, što na Hulniach buduć prysutničać tolki śledčyja padraździaleńni ICE, a nie apieratyŭnyja siły, i jany nie buduć pracavać «na vulicach».
Niahledziačy na hetyja tłumačeńni, krytyka nie ścichaje. Ministr zamiežnych spraŭ Antonia Tajani pasprabavaŭ supakoić kaleh, zajaviŭšy, što ahienty ICE nie buduć zajmacca achovaj hramadskaha paradku, a tolki supracoŭničać u apieratyŭnych štabach i ŭ śfiery antyterarystyčnaj biaśpieki.
Adnak były premjer-ministr Italii Džuzepe Konte rezka vystupiŭ suprać, zaklikaŭšy ŭrad «vyznačyć ułasnyja miežy» i nie dapuścić udziełu struktury, jakaja, na jaho dumku, skampramietavała siabie hvałtam u ZŠA.
Mer Miłana Džuzepe Sała zajaviŭ, što horad nie maje patreby ŭ ICE i što takija struktury «nie vitajucca» ŭ Miłanie. Jon nazvaŭ ICE «palicyjaj, jakaja zabivaje», i vykazaŭ sumnieŭ u adpaviednaści jaje dziejańniaŭ demakratyčnym standartam biaśpieki.
Da krytyki dałučylisia i inšyja palityki, jakija zajaŭlajuć, što ahienty ICE nie pavinny źjaŭlacca na terytoryi Italii. Italjanskija ŚMI pišuć pra pietycyi i pratesty, vyklikanyja aściarohami adnosna paŭnamoctvaŭ i mietadaŭ hetaj słužby.
Niekatoryja hramadzianie ZŠA, što žyvuć u Miłanie, taksama vykazali ździŭleńnie i zaniepakojenaść, adznačajučy, što ICE nie maje jurysdykcyi ŭ Italii i što takaja prysutnaść moža niehatyŭna paŭpłyvać na imidž ZŠA na mižnarodnaj arenie.
Ź Minieapalisa, achoplenaha pratestami, źjeduć staršy kamandzir Pamiežnaj słužby i častka ahientaŭ
Stała viadoma imia mužčyny, jakoha fiederalnyja ahienty zastrelili ŭ Minieapalisie. U horadzie znoŭ uspychnuli pratesty
U Minieapalisie supracoŭniki imihracyjnaj słužby ZŠA znoŭ zabili čałavieka pry zatrymańni
U Portlendzie ahienty pamiežnaj słužby ZŠA paranili dvuch čałaviek
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Prošli tolko 3 / 5 % . Byvšije policiejskije , požarniki ... ušiedšije libo po zdorov́ju , libo vozrast . Čto diełať ? Riezko śnizili triebovanija po vsiem punktam . Prošli miełkije priestupniki , domašnije nasilniki , ślehka diebiły . No okončiť obučienije smohli daleko nie vsie . Chvatiło tolko na odin štat . Vot eto my i vidim v Miniesotie .