Hubazikaŭcy zajavili pra zatrymańnie nacystaŭ-pahancaŭ z BČB-simvolikaj
Hubazikaŭcy zatrymali troch žycharoŭ Mahilova. Pa viersii siłavikoŭ, maładziony stvaryli sietku telehram-kanałaŭ, dzie prapahandavali nacysckuju ideałohiju. «Naviedvali terytoryi cerkvaŭ i kaściołaŭ z samarobnymi miačami dla zastrašvańnia viernikaŭ Mahilova», — paviedamlaje MUS. Na videa zatrymańnia pakazali bieł-čyrvona-bieły ściah.
Hubazikaŭcami zatrymany 21‑hadovy žychar Mahilova, jaki, pa ich słovach, stvaryŭ i administravaŭ telehram-kanał, što prapahandavaŭ i ŭschvalaŭ nacyzm. Aŭdytoryja kanała składała paŭtary tysiačy padpisčykaŭ.
U časie raźbiralnictva siłaviki vyjavili jašče dvuch žycharoŭ Mahilova, jakija «taksama prytrymlivalisia nacysckaj ideałohii i byli stvaralnikami anałahičnych resursaŭ».
«Mužčyny adnosili siabie da jazyčnikaŭ, nie pryznavali tradycyjnyja kaštoŭnaści, śviatkavali dzień naradžeńnia Hitlera, admaŭlali Dzień Pieramohi. Naviedvali terytoryi cerkvaŭ i kaściołaŭ z samarobnymi miačami dla zastrašvańnia viernikaŭ Mahilova», — zajaŭlaje MUS.
Pry siłavoj padtrymcy atrada śpiecpryznačeńnia ŭnutranych vojskaŭ MUS «Hrom» fihurantaŭ spravy zatrymali.
Pa miescach ich pražyvańnia vyjaŭleny i kanfiskavany nacysckija ściahi, litaratura, jakaja prapavieduje nacyzm, niezarehistravanaja simvolika, a taksama instrukcyi pa vybuchovaj spravie i chałodnaja zbroja, śćviardžaje MUS. U videa pakazany zablurany bieł-čyrvona-bieły ściah.
Vyjaŭlenyja telehram-kanały pryznali ekstremisckimi materyjałami.
Zaviedzieny kryminalnyja spravy za reabilitacyju nacyzmu, admaŭleńnie hienacydu biełaruskaha naroda, a taksama za stvareńnie ekstremisckaha farmavańnia.
Zatrymanym pahražaje da 12 hadoŭ pazbaŭleńnia voli.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy69
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary