Dziaržaŭny sakratar ZŠA Marka Rubia prakamientavaŭ zajavu prezidenta ZŠA Donalda Trampa pra toje, što ZŠA nibyta damovilisia z NATA: za amierykanskuju zbroju dla Ukrainy budzie płacić aljans. Pra heta Rubia zajaviŭ na palach sustrečy krain ASIEAN u małajzijskim Kuała-Łumpury, paviedamlaje «Jeŭrapiejskaja praŭda».
Pavodle słoŭ Rubia, havorka idzie nie pra niejkuju novuju schiemu pastavak, a chutčej pra ŭžo najaŭnuju praktyku — kali jeŭrapiejskija krainy kuplajuć uzbrajeńnie ŭ ZŠA, a potym pieradajuć jaho Ukrainie. Jon rastłumačyŭ, što nie ŭsie sistemy, jakija patrebnyja Ukrainie, vyrablajucca ŭ Jeŭropie, tamu ich davodzicca zakuplać u amierykancaŭ.
Akramia taho, ZŠA zaklikajuć sajuźnikaŭ z NATA addavać Ukrainie zbroju sa svaich zapasaŭ, a potym nabyvać zamienu ŭ Štatach. Heta našmat chutčej, čym čakać novyja pastaŭki z zavodaŭ. Taki padychod, pavodle Rubia, i mieŭ na ŭvazie Tramp.
Prezident Ukrainy Uładzimir Zialenski paviedamiŭ, što Hiermanija i Narviehija ŭžo hatovyja kupić try zienitnyja kompleksy Patriot dla Ukrainy.
Taksama stała viadoma, što Tramp upieršyniu za svaju kadencyju płanuje pieradać Ukrainie zbroju sa stratehičnych zapasaŭ ZŠA na sumu $300 młn — praź miechanizm prezidenckich paŭnamoctvaŭ, jakim raniej karystaŭsia Džo Bajden.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam10
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ77
Kamientary