Dziaržsakratar ZŠA Marka Rubia paviedamiŭ, što Złučanyja Štaty rasčaravanyja tym, što nie adbyvajecca prahresu ŭ mirnych pieramovach pa vajnie va Ukrainie. Jon zajaviŭ pra heta paśla sustrečy ź ministram zamiežnych spraŭ Rasii Siarhiejem Łaŭrovym, padkreśliŭšy, što, niahledziačy na rasčaravańnie, ZŠA majuć namier praciahvać dypłamatyčnyja kantakty.
Akramia taho, Rubia raskazaŭ, što Štaty viaduć pieramovy ź niekatorymi krainami, takimi jak Ispanija i Hiermanija, nakont pastavak dadatkovych zienitna-rakietnych kompleksaŭ Patriot dla Ukrainy. Pa jaho słovach, idzie aktyŭny pošuk «kreatyŭnych» šlachoŭ zabieśpiačeńnia Kijeva abaronnym uzbrajeńniem.
Jon taksama paviedamiŭ, što administracyja Donalda Trampa razhladaje mahčymaść uviadzieńnia novych sankcyj suprać Rasii. Dla hetaha mohuć vykarystoŭvacca jak dziejnyja paŭnamoctvy prezidenta, tak i mahčymy novy zakon, jaki zaraz abmiarkoŭvajecca z Kanhresam.
Što da pastavak zbroi Ukrainie, to Rubia rastłumačyŭ, što prypynieńnie niekatorych pastavak było časovym — źviazanym ź pierahladam zapasaŭ Pientahonam. Ale ciapier pastaŭki praciahvajucca za košt srodkaŭ, vydzielenych jašče papiaredniaj administracyjaj.
Što tyčycca samoha prezidenta ZŠA Donalda Trampa, to jon nieadnarazova mieŭ telefonnyja razmovy z Uładzimiram Pucinym i kazaŭ, što tyja byli «pryjemnymi». Adnak na fonie rasijskich udaraŭ pa Ukrainie navat jon pryznaŭ, što słovy Pucina nie vartyja davieru.
8 lipienia Tramp zrabiŭ adnu z samych rezkich zajavaŭ na adras Pucina z 2016 hoda, nazvaŭšy jaho słovy «poŭnaj łuchtoj» (bullshit) i paabiacaŭ pavialičyć vajskovuju padtrymku Ukrainy. Na pytańnie pra novyja sankcyi suprać Rasii jon adkazaŭ: «Razhladaju takuju mahčymaść».
Machlar pry dapamozie ŠI vydaŭ siabie za Marka Rubia i źviazaŭsia z tryma ministrami zamiežnych spraŭ
Tramp abiacaŭ Pucinu razbambić Maskvu k čortavaj maciery, kali Rasija napadzie na Ukrainu
Piaskoŭ nie abvierhnuŭ i nie paćvierdziŭ, što Tramp pahražaŭ razbambić Maskvu k usim čarciam
Jak Tramp vykarystoŭvaje «teoryju varjata», kab mianiać śviet pad siabie. I ŭ jaho atrymlivajecca
Tramp paabiacaŭ Zialenskamu nieadkładna adpravić Ukrainie rakiety-pierachopniki dla Patriot
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»5
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary