Piaskoŭ nie abvierhnuŭ i nie paćvierdziŭ, što Tramp pahražaŭ razbambić Maskvu k usim čarciam
Pradstaŭnik Kramla Dźmitryj Piaskoŭ nie paćvierdziŭ i nie abvierh paviedamleńni pra razmovu Donalda Trampa z Uładzimiram Pucinym, u jakoj tady jašče kandydat u prezidenty ZŠA pahražaŭ «razbambić Maskvu k usim čarciam» u vypadku napadu Rasii na Ukrainu.
«Ja nie mahu paćvierdzić abo abvierhnuć. Fejk heta ci nie — nie viedajem. Fejkaŭ vielmi šmat, bolš, čym praŭdzivaj infarmacyi», — skazaŭ Piaskoŭ.
Ahienctva TASS dadaje, što, pavodle słoŭ Piaskova, Pucin nie razmaŭlaŭ z Trampam u pieryjad, kali toj nie byŭ prezidentam ZŠA.
Aŭdyjozapisy sa sustrečy Trampa z donarami jaho pieradvybarčaj kampanii 2024 hoda, na jakoj Tramp paviedamiŭ pra hetuju razmovu, apublikavaŭ u sieradu amierykanski telekanał CNN. Pavodle słoŭ Trampa, Pucin nie pavieryŭ jamu. Daty razmovy prezident ZŠA nie nazvaŭ.
Kamientary