Пяскоў не абвергнуў і не пацвердзіў, што Трамп пагражаў разбамбіць Маскву к усім чарцям
Прадстаўнік Крамля Дзмітрый Пяскоў не пацвердзіў і не абверг паведамленні пра размову Дональда Трампа з Уладзімірам Пуціным, у якой тады яшчэ кандыдат у прэзідэнты ЗША пагражаў «разбамбіць Маскву к усім чарцям» у выпадку нападу Расіі на Украіну.
«Я не магу пацвердзіць або абвергнуць. Фэйк гэта ці не — не ведаем. Фэйкаў вельмі шмат, больш, чым праўдзівай інфармацыі», — сказаў Пяскоў.
Агенцтва ТАСС дадае, што, паводле слоў Пяскова, Пуцін не размаўляў з Трампам у перыяд, калі той не быў прэзідэнтам ЗША.
Аўдыёзапісы са сустрэчы Трампа з донарамі яго перадвыбарчай кампаніі 2024 года, на якой Трамп паведаміў пра гэтую размову, апублікаваў у сераду амерыканскі тэлеканал CNN. Паводле слоў Трампа, Пуцін не паверыў яму. Даты размовы прэзідэнт ЗША не назваў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары