Machlar pry dapamozie ŠI vydaŭ siabie za Marka Rubia i źviazaŭsia z tryma ministrami zamiežnych spraŭ
Nieviadomy pierapisvaŭsia ŭ Signal i prysyłaŭ hałasavyja paviedamleńni, stvoranyja z dapamohaj niejrasietak, daviedałasia The Washington Post.
Machlar vydavaŭ siabie za dziaržsakratara ZŠA Marka Rubia i źviazaŭsia ź ministrami zamiežnych spraŭ, a taksama hubiernataram adnaho sa štataŭ ZŠA i členam Kanhresa.
Nieviadomy rassyłaŭ hałasavyja i tekstavyja paviedamleńni, imitavanyja z dapamohaj niejrasietak, jakija ŭznaŭlali hołas i styl piśma Rubia.
Amierykanskija ŭłady pakul nie vyśvietliili, chto staić za hetaj atakaj. Siłaviki ličać, što złamyśnik sprabavaŭ manipulavać vysokapastaŭlenymi čynoŭnikami «z metaj atrymańnia dostupu da infarmacyi abo akaŭntaŭ», havorycca ŭ depiešy, nakiravanaj ofisam Rubia supracoŭnikam Dziarždepartamienta.
Nieviadomy vykarystoŭvaŭ jak tekstavyja paviedamleńni, tak i zašyfravany dadatak Signal, jaki aktyŭna vykarystoŭvajecca administracyjaj Trampa. Zhodna z depiešaj ad 3 lipienia, jon «źviazaŭsia jak minimum ź piaćciu asobami, jakija nie ŭvachodziać u strukturu Dziarždepartamienta, uklučajučy troch ministraŭ zamiežnych spraŭ, adnaho hubiernatara i adnaho člena Kanhresa ZŠA».
Kampanija pa padrobcy pačałasia ŭ siaredzinie červienia, kali machlar stvaryŭ akaŭnt u Signal ź imieniem «[email protected]» i pačaŭ kantaktavać z dypłamatami i palitykami, jakija ničoha nie padazravali — jak zamiežnymi, tak i amierykanskimi. Heta imia nie źjaŭlajecca jaho sapraŭdnym elektronnym adrasam.
U Dziarždepartamiencie zajavili, što «praviaduć detalovaje rasśledavańnie i praciahnuć ukaranieńnie mier biaśpieki, kab praduchilić padobnyja vypadki ŭ budučyni». Pradstaŭniki viedamstva admovilisia raskryvać źmiest paviedamleńniaŭ albo imiony čynoŭnikaŭ, jakija stali abjektami ataki.
Incydent z Rubia adbyŭsia na fonie inšych niadaŭnich sprob machlarstva, nakiravanych na vysokapastaŭlenych asob u ZŠA. U mai, pa infarmacyi Wall Street Journal, chtości atrymaŭ dostup da telefona kiraŭnicy administracyi Biełaha doma Siuzi Uajłs i pačaŭ telefanavać sienataram, hubiernataram i biznesmienam ad jaje imia.
Hetaja situacyja vyklikała rasśledavańnie z boku Biełaha doma i FBR, adnak Donald Tramp nie nadaŭ vypadku surjoznaha značeńnia, zajaviŭšy, što Uajłs — «dzivosnaja žančyna», jakaja «sama spravicca».
FBR admoviłasia kamientavać situacyju z padrobnym Rubia. Padrobka asoby fiederalnaha čynoŭnika z metaj machlarstva abo atrymańnia vyhady źjaŭlajecca kryminalnym złačynstvam.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii10
Kamientary
U kryptaanalityka Signal zhadvajecca "achilesava piata kryptahrafii z adkrytym klučom" - kultyvacyja padłožnaha sercifikata publičnaha kluča asoby. "Padrobka asoby" inšymi słovami. Čym bolšaja kolkaść padmanutych padpiša padrobleny siercifikat, tym praściej padmanuć nastupnaha padpisanta. Času funkcyjanavańnia padroblenaha siecifikata moža chapić dla śpiecapieracyi. Spyniajecca dziejnaść atakujučaha otzyvam siercifikata. 1998-my hod, pryblizna.
Kryptaanalityk adznačaŭ i abmiežavany čas statusa kvo. Novaja technałohija moža pamianiać pałažeńnie čaš vahoŭ.
Siarhiej Navumčyk maje racyju - "za čorta łysaha", tolki nie za čałavieka, jaki padryvaje asnovy kanstytucyjanalizma. Trampizm spracavaŭ na škodu ZŠA.
Chto vyroščvaŭ biźniesmen-prezidenta ludzi užo zrazumieli. Ad asinki nie narodziacca apielsinki. Fašyzm, dzie b ni praros, pačnie raskidvać svaje
"nie nado brosať eti siemiena svobody na našu počvu".