Alaksandr Hleb paprasiŭ vyklučyć jaho z sankcyjnaha śpisu Polščy i atrymaŭ adkaz
Ministerstva ŭnutranych spraŭ i administracyi Polščy aficyjna admoviła byłomu futbalistu zbornaj Biełarusi Alaksandru Hlebu ŭ vyklučeńni jaho z nacyjanalnaha sankcyjnaha śpisu. Rašeńnie, padpisanaje namieśnikam ministra Česłavam Mročakam, było apublikavana 19 maja ŭ Biuleteni publičnaj infarmacyi, zaŭvažyła vydańnie Reform.news.
Alaksandr Hleb, jaki padčas svajoj spartyŭnaj karjery vystupaŭ za łondanski «Arsienał», «Barsiełonu» i nacyjanalnuju zbornuju, byŭ uniesieny ŭ sankcyjny śpis za padtrymku režymu Alaksandra Łukašenki. Sankcyi praduhledžvajuć zamarožvańnie aktyvaŭ, zabaronu na ŭjezd u Polšču i zabaronu na akazańnie finansavaj ci ekanamičnaj dapamohi.
Inicyjatyva pa ŭklučeńni byłoha futbalista ŭ śpis pachodziła ad Ahienctva ŭnutranaj biaśpieki Polščy (ABW). Pavodle śpiecsłužbaŭ, znachodžańnie Hleba ŭ Polščy pahražaje nacyjanalnaj biaśpiecy i mižnarodnamu imidžu krainy.
U sakaviku 2025 hoda advakat Hleba padaŭ prašeńnie na vyklučeńnie jaho z sankcyjnaha śpisu, śćviardžajučy, što toj nie ŭdzielničaje ŭ palitycy, nie padtrymlivaje ahresiju Rasii suprać Ukrainy i zajmajecca vyklučna spartyŭnaj dziejnaściu. U pryvatnaści, adznačałasia, što Hleb z 2020 hoda, maŭlaŭ, pracuje pasłom bukmiekierskaj kampanii Fonbet Belarus i nie zajmajecca prapahandaj.
Adnak polskija ŭłady paličyli hetyja arhumienty niepierakanaŭčymi. U rašeńni padkreślivajecca, što abstaviny, z-za jakich byli ŭviedzieny sankcyi, nie źnikli. Siarod novych faktaŭ — udzieł Alaksandra Hleba ŭ śniežni 2024 hoda ŭ «Marafonie adzinstva» ŭ Mazyry, što było rasceniena jak palityčnaja padtrymka Łukašenki padčas pieradvybarčaj kampanii.
Ministerstva pryjšło da vysnovy, što padstavy dla sankcyj zastajucca aktualnymi. Akramia taho, adznačajecca, što śpiecsłužby majuć prava abmiažoŭvać publikacyju padrabiaznaściaŭ, kali heta tyčycca nacyjanalnaj biaśpieki.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary
[Zredahavana]
Ja i baba, i mužyk..."